ટ્રાવેલ / ભારતમાં આ 5 જગ્યાએ જશો તો સ્વર્ગથી ઓછો અનુભવ તો નહીં જ થાય

Team VTV 04:20 PM, 04 Mar 20
see these 5 lakes of india once in life feeling like heaven

ભારતમાં જોવા માટેના ઘણાં સ્થળો છે, પરંતુ જુદા જુદા સ્થળોની મુલાકાત લેવાની મજા અલગ છે. તેમાંથી એક છે તળાવોની  મુલાકાત લેવી અને બીજી તેમાં બોટિંગ કરવી. એવા ઘણા તળાવો છે જેમની સુંદરતા સ્વર્ગ જેવી લાગે છે. કેટલાક લોકો તેમને રોમેન્ટિક તળાવો પણ કહે છે જ્યાં તમે તમારા જીવનસાથી સાથે કલાકો સુધી બેસી વાતચીત કરી શકો છો. જોકે ભારતમાં ઘણી સુંદર જગ્યાઓ છે, પરંતુ કેટલાક લોકો માટે, સરોવરોની સુંદરતા કંઈક બીજું કહે છે. તો તમને જણાવીએ ભારતના 5 સૌથી સુંદર તળાવો વિશે.

દાલ તળાવ: કાશ્મીર

દાલ તળાવ, કાશ્મીર

કાશ્મીરની સુંદરતા વિશે તો સૌ કોઈ જાણે છે. જો તમે કાશ્મીરની મુલાકાતે ગયા છો, તો પછી તમારી મુસાફરી દાલ તળાવ જોયા વિના પૂર્ણ થઈ શકશે તેમ નથી. ઉનાળો અને શિયાળો બંનેમાં દાલ તળાવ જુદા જુદા અદભૂત દ્રશ્યો સાથે ખૂબ સુંદર લાગે છે. 15 કિલોમીટરમાં ફેલાયેલ આ સરોવર બ્રિટીશ સમયથી પ્રવાસીઓ માટે ખુલ્લો મુકાયો છે. અહીં તમને કાશ્મીરી હસ્તકલા, ફૂલો, ફળો અને શાકભાજી પણ મળે છે. જો તમે કાશ્મીર જાઓ છો, તો દાલ તળાવ પર ફરવાનું ભૂલશો નહીં.

ચંદ્રતાલ તળાવ: સ્પીતિ

ચંદ્રતાલ તળાવ, સ્પીતિ

ચંદ્રલ તળાવ, જેને 'ચંદ્ર તળાવ' તરીકે પણ ઓળખવામાં આવે છે, જે ખૂબ સુંદર છે. આ તળાવનો રંગ ચમકતા ભૂરા રંગ જેવો છે. એકવાર ચંદ્રતાલ તળાવની સુંદરતા જોયા પછી, તેને વારંવાર જોવાનું મન થાય છે. સ્પીતિમાં 4300 મીટરની ઉંચાઇ પર આ તળાવ આવેલ છે. ચંદ્રતાલ તળાવ, ચંદ્ર જેવા દેખાવને કારણે આ નામ આપવામાં આવ્યું છે. ગેલેક્સી જોવા માટે સ્પીતિ એક યોગ્ય સ્થળ છે. અહીં તમને અનંત શાંતિ મળે છે. જો તમે સ્પીતિ વેલીની મુલાકાત લેવા જાઓ છો તો ચોક્કસપણે આ તળાવની મુલાકાતે પહોંચી જજો.

પીચોલા તળાવ: ઉદયપુર

પીચોલા તળાવ, ઉદયપુર

ઉદયપુર શિયાળામાં જોવા માટેનું શ્રેષ્ઠ સ્થળ છે. પિચોલા તળાવની બોટિંગ તમને આકર્ષિત કરે તેવી છે. આ સુંદર સરોવર લગભગ 4 કિલોમીટર લાંબું અને 3 કિલોમીટર પહોળું છે. સિટી પેલેસથી આખું તળાવ નજરે પડે છે અને તમે રામેશ્વર ઘાટથી લાંબી બોટ રાઇડની પણ મજા લઇ શકો છો. આ પ્રવાસ કપલ્સ માટે રોમેન્ટિક પ્રવાસ સાબિત થશે.

પેંગોંગ ત્સો: લદાખ

પેંગોંગ ત્સો, લદાખ

પેંગોંગ ત્સો (પેંગોંગ તળાવ), ખારા પાણીનું તળાવ, જો ટેકરીઓના રસ્તેથી જવામાં આવે તો, આ તળાવ લેહથી માત્ર પાંચ કલાક દૂર આવેલ છે, તેનું પોતાનું પાણી છે. પર્વત પર આવેલું આ તળાવ તમને એક અલગ આનંદ આપશે. તમે તમારા જીવનસાથી સાથે આ સ્થાનની સુંદરતાનો ખૂબ આનંદ લઈ શકો છો. 

લોકટક તળાવ: મણિપુર

લોકટક તળાવ, મણિપુર

જો તમે મણિપુર જઇ રહ્યા છો, તો પછી તમારી મુસાફરીની લીસ્ટમાં લોકટક તળાવનો સમાવેશ કરી લેજો. આ તળાવ તેના અદભૂત દ્રશ્યો માટે ખૂબ પ્રખ્યાત છે. આ બધું જોઈને તમારું મન પ્રસન્ન થઈ જશે.


  

Travel Lake boating ટ્રાવેલ બોટિંગ તળાવો
Loading...

ટૉપ સ્ટોરીઝ

સૌથી વધુ વંચાયેલ

Loading...
બ્રેકિંગ ન્યૂઝ