મા... મા હોય છે... સંતાન પોતાનું ન હોય તો પણ શું એક માનું હ્રદય હંમેશ પ્રેમની પ્રતિતિ કરાવે છે. ભલે પછી તે માનવી હોય કે પ્રાણી. પરંતુ અહીં અમે આપને એવી કેટલીક તસ્વીરો બતાવવા જઈ રહ્યા છે. જે ઘટનાઓ દૂર્લભ હોય છે. ભાગ્યે જ આવી કોઈ ઘટના જોવા પણ મળતી હશે.
એક નાનકળું વાઘનું બચ્ચું પોતાનીમાંથી વિખુટૂં પડી જતા ત્રાળો નાખે છે. પરંતુ તેની થોડી જ ક્ષણોમાં એક સિંહણ ત્યાં પહોંચી જાય છે. સિંહણ વાઘના બચ્ચાને પોતાના મોઢામાં પકડી લે છે. જાણે એવું લાગી રહ્યું છે કે હમણા આ બચ્ચાને તે મારી નાખશે. બચ્ચાને લઈને સિંહણ ભાગે પણ છે. પરંતુ તેની થોડી જ મિનિટોમાં જે દ્રશ્ય જોવા મળે છે. તે અલૌકિક છે. વાઘનું બચ્ચું સિહણની ગોદમાં રમતું જોવા મળે છે. તેની સાથે મસ્તી કરે છે. તો સિંહણ પણ જેમ કોઈ મા પોતાના બાળકને હગ કરીને સુઈ જાય છે તેમ સુઈ જાય છે.
આ દ્રશ્યમાં પહેલી નજરે તો એવું લાગશે કે એક ગાય બેઠી છે અને તેની પાસે કેટલાક કુતરીના બચ્ચા કુદમકુદ કરે છે. પરંતુ હકીકત કાંઈ અલગ છે. આ બચ્ચાઓ કોઈ રમત નથી કરી રહ્યા. પરંતુ ગાય તેને દૂધ પીવડાવી રહી છે. ઘટના એવી છે કે આ બચ્ચાની માને કોઈ વાહન ચાલકે અડફેટે લેતા તેનું મોત થયું હતું. જે બાદ આ બચ્ચા ભૂખના માર્યા તળફળી રહ્યા હતા. તેવામાં અચાનક આ ગાય આવી અને બચ્ચાઓ તેના આંચળમાંથી દૂધ પીવા લાગ્યા. આ વીડિયો ક્યાંનો છે તે તો નથી ખબર પરંતુ કુદરતનો આ એક અદભૂત નજારે છે.
આ દ્રશ્ય પણ જુઓ.. એક કુતરી માતા હોવાનો ધર્મ કેવી રીતે નિભાવી રહી છે. પોતાના બચ્ચાને તો દૂધ પીવડાવે જ છે. પરંતુ એક બકરીનું બચ્ચું પણ તેની પાસે દોડી આવે છે. દૂધ પીવા લાગી જાય છે. થોડીવારમાં અન્ય એક બકરીનુ બચ્ચું પણ દોડી આવે છે. દૂધ પીવા માંડે છે. આ પ્રકારનો નજારો તમે ક્યારેય નહીં જોયો હોય. જોકે આ વીડિયો કાનપુરનો હોવાનું સામે આવ્યું હતું.
સિંહ અને વાઘ આમ તો એક બીજાના દૂશ્મન ગણાય છે. પરંતુ જરા આ અદભૂત નજારો પણ જુઓ. તમે ક્યારેય આવા દ્રશ્ય નહીં જોયા હોય કે એક સિંહણ અને વાઘણ સાથે રહે છે. એક બીજા સાથે બંને સાથે ગેલ કરે છે. તો એક બીજાના બચ્ચાની પણ સંભાળ રાખે છે. આ પ્રકારના દ્રશ્યો ખૂબ દૂર્લભ હોય છે. આ દ્રશ્ય પરથી એ તો માનવું જ પડશે કે મા તે મા હોય છે. માની વેદના મા સિવાય કોઈ સમજી ન શકે.