માર્ચ-ર૦ર૦ની તા.૦૯-૦૩-ર૦ર૦ના સપ્તાહના ગ્રહોની ખગોળીય સ્થિતિનો અભ્યાસ કરતાં અને ગ્રહોના બનતા યોગો જોતાં આ યોગો બજાર માટે કેવી અસરો આપશે તેના સંકેત શાસ્ત્રી વિનોદભાઈ રાવલ આપી રહ્યા છે. આ સપ્તાહના મહત્વના યોગોમાં શુક્ર અને હર્ષલની યુતિ સપ્તાહની શરૂઆતમાં થાય છે. આ સપ્તાહમાં બુધ માર્ગી થાય છે. આ સપ્તાહમાં ચંદ્ર પૃથ્વીથી અત્યંત નજીક છે. ગુરુ અને શનિ પોતાની સ્વરાશિમાં ભ્રમણ કરે છે. આ સમયે શેરબજાર, સોના ચાંદી, ક્રૂડ ઓઈલ, એરંડા-તેલ-તેલીબિયાં, કપાસ -કોટનને શું અસર થશે.
ગુરુ અને શનિ પોતાની સ્વરાશિમાં ભ્રમણ કરશે
શેરબજાર અને સોના ચાંદીના ભાવમાં આવશે ઉછાળો
કોટન અને કપાસના ભાવમાં વધઘટ શક્ય છે
શેરબજાર
આ સપ્તાહના ગ્રહયોગોનો અભ્યાસ કરતાં શેરબજારમાં આ સપ્તાહની શરૂઆતના દિવસે બજાર નરમ ખૂલી શકે છે પણ આ નરમાઇમાં સ્ટોક કરીને શરૂઆતના દિવસોમાં ઉછાળો આવે તેમાં નફો બુક કરતાં જવો. બજારમાં સપ્તાહની શરૂઆતના દિવસોમાં બેતરફી બજારમાં વધઘટ રહી શકે છે અને એકાદ દિવસ બજારમાં મજબૂતી જોવા મળે પણ આ દિવસોમાં ઊંચા મથાળે તેજીનો વેપાર કરવો હિતાવહ નથી. આ સપ્તાહના મધ્યના દિવસોમાં દરેક ઉછાળે બજારમાં વેચીને વેપાર કરી શકાય, વેચાણ રાખી શકાય. ગ્રહયોગ જોતાં બેન્ક, સ્ટીલ, મેટલ, રિલાયન્સ, ઓટો સેક્ટરમાં વધઘટ વધુ આવી શકે છે. આ દિવસોમાં એકાદ દિવસ વેચવાલી પણ જોવા મળે. સપ્તાહના અંતિમ દિવસોમાં બજારમાં નરમ ધ્યાન રાખીને વેપાર કરવો. આ સપ્તાહમાં શેરબજારમાં બેતરફી વધઘટ રહી શકે છે. માર્ચ એન્ડના પુટ લઇને વેપાર મંદીનો કરવાથી લાભ થઇ શકે છે. નિફ્ટીનું વેચાણ કરી શકાય.
સોના-ચાંદી
આ સપ્તાહના ગ્રહયોગો જોતાં સોના-ચાંદીમાં સામાન્ય મજબૂતીના યોગો છે પણ લાંબી તેજીના યોગો નથી. આથી આ આ સપ્તાહના શરૂઆતના દિવસથી બજારમાં વેચીને વેપાર સોના અને ચાંદીમાં કરવો લાભદાયી થઇ શકે છે. આ દિવસોમાં ચાંદીમાં વેચવાલી આવી શકે તેવા યોગો હોવાથી ચાંદીમાં વેચાણ કરવું હિતાવહ છે. સપ્તાહના મધ્યના દિવસોમાં ચાંદીમાં નરમ ભાવ બતાવી શકે છે. ખાસ આ સપ્તાહમાં સોના-ચાંદીમાં નફો બુક કરતાં જવો હિતાવહ છે. આ સપ્તાહમાં વેચવાલી અને તેજીનો
ઉછાળો બંને મોટાં આવી શકે છે. આ સપ્તાહમાં બંને સાઇડની મોટી વધઘટ બતાવી શકે છે.
ક્રૂડ ઓઇલ
આ સપ્તાહમાં ક્રૂડ ઓઇલમાં મજબૂત બજાર બતાવે તેવા યોગો હોવાથી સપ્તાહની શરૂઆતના દિવસથી જ ક્રૂડ ઓઇલમાં સ્ટોક કરતાં જવો. સપ્તાહની શરૂઆતના દિવસથી બજારમાં દરેક ભાવે સ્ટોક કરી શકાય તેવી રીતે વેપાર ગોઠવવો લાભદાયી રહે. સપ્તાહના મધ્યના દિવસો સુધી સ્ટોક વધારી શકો છો. સપ્તાહના મધ્યના દિવસોમાં એકાદ દિવસ સામાન્ય નરમ બજાર જોવા મળી શકે છે પણ ધ્યાન મજબૂત રાખીને વેપાર કરવો. સપ્તાહના અંતિમ દિવસોમાં પણ બજારમાં નવી માગ નીકળતાં મજબૂત બજાર રહી શકે છે. ફોરેન માર્કેટમાં બજારમાં સારી તેજીનો ઉછાળો આવતાં સ્થાનિક બજારમાં પણ મજબૂત ભાવ રહે. લાંબા સમય માટે તેજીનો વેપાર ગોઠવી શકાય. ઇન્ટરનેશનલ માર્કેટમાં સારી ખરીદી નીકળતાં અહીંના માર્કેટમાં પણ મજબૂતી જોવા મળે.
એરંડા-તેલ-તેલીબિયાં
આ સપ્તાહમાં સિંગતેલ, દિવેલ, રાયડો, એરંડા, કપાસિયા, તેલ-તેલીબિયાંમાં મજબૂતીના યોગો હોવાથી સપ્તાહની શરૂઆતથી બજારમાં નવી લેવાલી નીકળી શકે છે. આ સપ્તાહમાં તેલ, તેલીબિયાંમાં શરૂઆતના દિવસથી જ તેજી ધ્યાન રાખીને વેપાર કરવો. સપ્તાહની શરૂઆતના દિવસથી જ દરેક ભાવે સ્ટોક કરી શકીએ એવી રીતે વેપાર કરવો. નફો બુક કરવામાં પણ ઉતાવળ ન કરવી. કોઇ દિવસ સાંકડી વધઘટ જોવા મળી શકે છે. સપ્તાહના અંતિમ દિવસોમાં પણ તેલ, તેલીબિયાં, એરંડામાં મજબૂતીના જ યોગ હોવાથી સ્ટોક કરીને જ વેપાર કરવો લાભદાયી રહી શકે. આ સપ્તાહમાં સિંગતેલ, રાયડો, દિવેલ, એરંડા, તેલ, તેલીબિયાંના ભાવમાં મજબૂતી જોવા મળી શકે છે.
કપાસ-કોટન
કોટન અને કપાસમાં આ સપ્તાહની શરૂઆત સાંકડી વધઘટથી થઇ શકે છે પણ વધઘટે બજાર મજબૂતી તરફી ચાલ બતાવી શકે છે. સપ્તાહની શરૂઆતના દિવસોથી જ કોટન-કપાસમાં સ્ટોક કરીને વેપાર કરવો લાભદાયી રહે. દરેક ભાવે સ્ટોક કરી શકાય તેવી રીતે વેપાર ગોઠવવો. આ દિવસોમાં એકાદ દિવસ નવી માગ નીકળતાં બજારમાં સારો તેજીનો ઉછાળો જોવા મળી શકે છે. સપ્તાહના અંતિમ દિવસોમાં પણ બજારમાં મજબૂતીના જ યોગો છે. આ સપ્તાહમાં દરેક ભાવે વેપાર જોઇને નફો બુક કરતાં જવો. આ સમયમાં મંદીનો વેપાર કરવો યોગ્ય નથી. લાંબા સમય માટે સ્ટોક કરવો હોય તો આ સમયમાં કરી શકાય.•