વિધાનસભા ગૃહમાં સરકારે દંડ અંગે જવાબ રજૂ કર્યો છે. રાજ્યના 16 લાખ 78 હજાર 922 લોકોએ માસ્ક ન પહેરવા બદલ દંડ ચૂકવવો પડ્યો છે.
વિધાનસભામાં ગાજ્યો માસ્કના દંડનો મુદ્દો
માસ્ક ન પહેરવા બદલ ભર્યો અધધધ દંડ
રાજ્યના 16 લાખ 78 હજાર 922 લોકોએ ભર્યો દંડ
કોરોના કાળમાં સરકાર માટે માસ્ક એક આવકનું સાધન બન્યું હોય તેવું લાગે છે. રાજ્યના નાગરિકોએ માસ્ક ન પહેરવા બદલ એક-બે નહીં પરતું પુરા 1 અબજ 68 કરોડ રૂપિયાનો દંડ ભર્યો છે. એક તરફ કોરોનાકાળ અને લોકડાઉન લાગ્યું હતું. ત્યારે મોંઘવારી અને મંદી વચ્ચે રાજ્ય સરકારે નાગરિકોને ખંખેર્યા છે. વિધાનસભા ગૃહમાં સરકારે દંડ અંગે જવાબ રજૂ કર્યો છે. રાજ્યના 16 લાખ 78 હજાર 922 લોકોએ માસ્ક ન પહેરવા બદલ દંડ ચૂકવવો પડ્યો છે. જેનો આંકડો 1 અબજની પાર ચાલ્યો ગયો છે.
આ શહેરોમાં લોકોએ સૌથી વધુ દંડ ચૂકવ્યો
ગુજરાતમાં કોરોનાકાળમાં ગુજરાતીઓએ માસ્ક ન પહેરવા બદલ 1 અબજ 68 કરોડ રૂપિયાનો દંડ ભર્યો છે. જેમાં અમદાવાદમાં સૌથી વધુ 2 લાખ 71 હજાર 621 લોકોએ દંડ ભર્યો છે. તો સુરતના 1 લાખ 87 હજાર 787 નાગરિકોએ દંડ ભર્યો છે. વડોદરાના 73,599 લોકોએ માસ્કનો દંડ ભર્યો છે. અને રાજકોટના 1 લાખ 6 હજાર 841 લોકોએ દંડ ભરવો પડ્યો છે. વ્યક્તિદીઠ 1 હજારનો દંડ વસુલવામાં આવ્યો છે.
રાજ્યના 16 લાખ 78 હજાર 922 લોકોએ ભર્યો દંડ
અમદાવાદમાં સૌથી વધુ 2 લાખ 71 હજાર 621 લોકોએ દંડ ભર્યા