છોટાઉદેપુર જિલ્લાના બોડેલી તાલુકાના નાના અમાદરા પ્રાથમિક શાળાની દયનીય હાલત જોઈને અહીં ગતિશીલ ગુજરાતના શિક્ષણ પર અહીં એક સવાલ થાય છે કે. રાજય સરકાર શિક્ષણમાં અવ્વલ હોવાની વાતો કરે છે. પરંતુ પછાત જિલ્લામાં શિક્ષણમંત્રીએ કયારેય કોઈ શાળાની મુલાકાત લીધી છે ખરી? અમાદરાની જર્જરીત પ્રાથમિક શાળા. જયાં શાળા ગમે ત્યારે પડે તેવી છે.
શાળાના બાળકો જીવના જોખમે અભ્યાસ કરી રહ્યા છે. જર્જરીત શાળાના ઓરડાઓમાં બેસીને વિધાર્થીઓ અભ્યાસ કરે છે. ઓરડાઓની હાલત સારી ન હોવાથી વિધાર્થીઓ ઓટલા પર બેસીને જીવના જોખમે અભ્યાસ કરી રહ્યા છે. બીજી તરફ શાળાના પતરા પણ પવન ફૂંકાતા ગમે ત્યારે પડે તેવા છે. ચોમાસાના આટલા ભારે વરસાદમાં ભયના ઓથાર હેઠળ બાળકો ભણી રહ્યા છે.
બાળકો આટલી મુશ્કોલીમાં ભણે છે છતાં DEO દ્વારા કોઈ પગલા લેવામાં આવ્યા નથી. શાળાના સમારકામની ફાઈલ માત્ર ટેબલ પર પડી રહી છે. કુંભકર્ણની નિંદ્રામાં પોઢેલા અધિકારીઓને આ ગરીબ આદિવાસી બાળકોના શિક્ષણની કોઈ પડી નથી. સરકાર આદિવાસી વિસ્તારમાં શિક્ષણનો વ્યાપ વધે તે માટે અનેક પ્રયાસ કરતી હોવાના દાવા કરે છે. પરંતુ આદિવાસી વિસ્તારમાં બાળકો મહામુસીબતે શિક્ષણ મેળવી રહ્યા છે. જે અંતરિયાળ વિસ્તારો છે.
તેમાં તો શિક્ષણને લઈ કફોડી હાલત જોવા મળે છે. બાળકો માટે શાળામાં બેસવા માટેના ઓરડા નથી. ધોરણ-2ના બાળકોને બહાર બેસીને અભ્યાસ કરે છે. ગામલોકોએ વારંવાર રજૂઆત કરી છતાં અધિકારીઓ દ્વારા કોઈ પગલા લેવામાં આવ્યા નથી. અનેકવાર રજૂઆત છતાં પ્રાથમિક શાળામાં નવા ઓરડા બનાવવામાં આવ્યા નથી. શિક્ષકો પણ કહી રહ્યા છે કે જીવના જોખમે બાળકોને શિક્ષણ આપી રહ્યા છે. અને સરકાર આ શાળાની સમારકામ કરે તો સારું છે.