Sunday, August 18, 2019
સબસ્ક્રાઈબ કરો VTVGujarati ન્યુઝ Whatsapp
OMG

OMG / સિયાચિનની ગજબ ઠંડી, જવાન હથોડાથી તોડે છે ઇંડા? જુઓ VIDEO

સિયાચિનની ગજબ ઠંડી, જવાન હથોડાથી તોડે છે ઇંડા? જુઓ VIDEO

સમુદ્રથી લગભગ 20000 ફૂટની ઉંચાઇમાં સ્થિત સિયાચિનમાં સેનાના જવાનોની હિંમતને સલામ કરવી રહી. દુનિયાના સૌથી ઠંડા યુદ્ધક્ષેત્ર સિયાચિન ગ્લેશિયર પર લોહી જમાવી દેતી ઠંડીમાં ભારતીય સેનાના જવાનો દુશ્મનોનો સામનો તો કરવો જ પડે છે પરંતુ ખાવા માટે પણ ઘણી મુશ્કેલીનો સામનો કરવો પડે છે. 

ભારતીય જવાનોનો એક વીડિયો સોશિયલ મીડિયામાં વાઇરલ થયો છે. આ વીડિયોમાં જવાન બતાવી રહ્યા છે કે બટાટા, ટામેટાથી માંડીને ઇંડા સુધી તમામ વસ્તુઓ જામી ગઇ છે. તમામ વસ્તુઓને હથોડાથી તોડીને ભોજન તૈયાર કરવું પડે છે. જવાનોએ બતાવ્યું કે જ્યૂસની બોટલ પણ એટલી સખત બની જામી જાય છે કે તેને પીવા જવાનોને પહેલા ગરમ કરવી પડે છે. ત્યારબાદ તે જ્યૂસ પી શકે છે. જવાનોએ જણાવ્યું કે તેમના માટે ભોજન બનાવવું ખુબ જ પડકારજનક બની રહે છે. સેનાના જવાન બરફ પીગાળીને તેનો ઉપયોગ ખાવા બનાવવા અને પીવા માટે કરે છે. 

 

તાપમાન માઇનસ 40થી 70 ડિગ્રી સેલ્સિયસ 

જવાનોએ બતાવ્યું કે સિયાચિનમાં રહેવું સરળ નથી. અહીં તાપમાન માઇનસ 40થી 70 ડિગ્રી સેલ્સિયલ સુધી પહોંચી જાય છે. સિયાચિન આખુ વર્ષ બરફની ચાદરથી ઢંકાયેલું રહે છે. તે દુનિયામાં સૌથી ઉંચા અને સૌથી ઠંડુ યુદ્ધક્ષેત્ર છે. થોડા સમય પહેલા નવા રક્ષામંત્રી રાજનાથ સિંહે સિયાચિન બેસ કેમ્પની મુલાકાત લીધી હતી અને જવાનો સાથે વાતચિત કરી હતી. 

પાણી રહિત બોડી વૉશથી સ્નાન

સિયાચિનમાં પરિસ્થિતિ એટલી વિકટ છે કે જવાનોએ ન્હાવા માટે પણ 90 દિવસ રાહ જોવી પડે છે ! હાલમાં જ આ સમસ્યા દૂર કરવા માટે એક બૉડી વૉશ બનાવવામાં આવ્યું છે. પાણી રહિત આ બૉડી વૉશનો ઉપયોગ કરવા પર જવાનોને બિલકુલ ન્હાવા જેવો અહેસાસ થશે. હવે તે સપ્તાહમાં બે વાર સ્નાન કરી શકશે. 

સુરક્ષા પર પ્રતિદિન 7 કરોડનો ખર્ચ

એક રિપોર્ટ મુજબ સિયાચિન પર સુરક્ષા માટે પ્રતિદિન સાત કરોડ રૂપિયાનો ખર્ચ કરવામાં આવે છે. સિયાચિનની 80 ટકા સૈન્ય ચોકીઓ 16000 ફૂટથી વધારે ઉંચાઇ પર સ્થિત છે.  સિયાચિનમાં લગભગ 3000 જવાન તૈનાત રહે છે. જવાનો ખાવા બનાવવા અને બંકરમાં ગરમી પેદા કરવા માટે કેરોસિનનો ઉપયોગ કરે છે. 


 

જોવા જેવું વધુ જુઓ

બ્રેકિંગ ન્યૂઝ