IPLIN
 

ક્રિકેટ મુદ્દે થયેલ પથ્થરમારાની ઘટનાના CCTV આવ્યા સામે, પોલીસે હાથ ધરી તપાસ

Team VTV 01:13 PM, 23 Feb 19 | Updated: 09:09 PM, 30 Mar 19
Follow us
see-cctv-cricket-issues-in-surat
સુરતના ઉધના વિસ્તારમાં પથ્થરમારાની ઘટના સામે આવી છે. પથ્થરમારો થતા અફરા-તફરીનો માહોલ સર્જાયો હતો. 2 કોમના જૂથ વચ્ચે પથ્થરમારો થયો હતો. મળતી માહિતી મુજબ ઉધના વિસ્તારમાં રવિવારે ક્રિકેટ મુદ્દે 2 કોમના જૂથ બોલાચાલી થઈ હતી.

આ બોલાચાલીએ ઉગ્ર સ્વરૂપ ધારણ કર્યુ. આ દરમિયાન બે કોમના લોકોએ સામ સામે પથ્થર મારો કર્યો હતો. આ સમગ્ર ઘટના CCTV કેમેરામાં કેદ થઈ હતી. આ ઘટનાના CCTV સોશિયલ મીડિયામાં વાયરલ થઈ રહ્યા છે.
  ઉલ્લેખનીય છે કે,તાજેતરમાં થયેલ આ પથ્થરમારામાં કુલ 5 લોકોને ઇજા પહોંચતા તેમને નજીકના દવાખાને ખસેડવામાં આવ્યા હતા. ત્યારે આજે સામે આવેલ CCTV માં બે કોમ વચ્ચે સર્જાયેલા પથ્થરમારાની ઘટનાના ફૂટેજમાં બંને કોમના લોકો એકબીજાને બેટ અને ધોકા વડે એકબીજાને ફટકા મારતા પણ જોવા મળ્યા હતા. જો કે આ ઘટના ઉધના પોલીસ દ્વારા રાયોટિંગ નો ગુનો નોંધી આરોપીઓની ધરપકડ કરી લેવામાં આવી છે.

આપને જણાવી દઇએ કે, સ્થાનિક પોલીસે આ CCTV ફૂટેજના આધારે જવાબદાર લોકોને ઝડપી લેવા કવાયત હાથ ધરી હતી. ઉલ્લેખનીય છે કે, એક તરફ દેશના કાશ્મીર પ્રદેશમાં નજીવી બાબતે પથ્થરમારાની ઘટનાઓ પ્રકાશમાં આવે છે ત્યારે ડાયમંડ નગરી સુરતમાં પણ 2 કોમ વચ્ચે પથ્થરમારો થયો હોવાની ઘટના પ્રકાશમાં આવતા ચકચાર મચી જવા પામી હતી.  
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ