અમદાવાદ / આપઘાત કરવા સાબરમતીમાં ઝંપલાવેલ યુવતીને બચાવવા સિક્યુરિટી ગાર્ડ પણ નદીમાં કુદ્યો, બન્નેનાં મોત

• નદીમાં પડવાથી એક યુવતી સહિત બેનાં મોત
• યુવતીને નદીમાં ઝંપલાવતા જોઈ સિક્યુરીટી ગાર્ડ તેને બચાવવા પડ્યો
• આ ઘટનાં દરમિયાન 100 મીટર અંતરે વધુ એક મહિલાએ ઝંપલાવ્યું. તેને બચાવવા રાહદારી યુવક કુદ્યો બન્ને સલામત

આત્મહત્યા કરનાર યુવતીને બચાવવા ગયેલ સિક્યુરિટી ગાર્ડનું મોત

અમદાવાદનાં સુભાષબ્રિજ પાસે આવેલી સાબરમતી રિવરફ્રન્ટનાં ગાર્ડન પાસેના ગેટ નં-2 પાસેથી મીનાક્ષી નામની એક યુવતીએ રવિવારે બપોરે 12.09 વાગ્યાની આસપાસ નદીમાં ઝંપલાવ્યું હતું. આ દ્રશ્ય ત્યાં રહેલાં 23 વર્ષીય સિક્યુરિટી  ગાર્ડ ધીરજે જોતા જે તેને બચાવવા કુદ્યો હતો. ફાયરના સૂત્રોનાં જણાવ્યાંનું સાર મીનાક્ષીએ ઝંપલાવ્યાં બાદ બચવા માટે ધીરજને ખેંચ્યો હતો. જેથી તે ઉપર ન આવી શકતાં મીનાક્ષીની સાથે ધીરજનું પણ મોત નિપજ્યું હતું

સિક્યુરિટી ગાર્ડ 5 મહિનાંથી જ ફરજ બજાવતો હતો

23 વર્ષીય સિક્યુરિટી ગાર્ડ ધીરજ શ્રીરામપાલ ગડદીયા શાહિબાગ દુધેશ્વર વિધ્યા મહાદેવની ચાલીમાં માતા-પિતા અને બે ભાઈઓ સાથે રહે છે. મૂળ ઉત્તરપ્રદેશનો ધીરજ અપરણિત હતો અને છેલ્લાં 5 મહિનાથી પેન્થર નામની સિક્યુરિટી ગાર્ડની કંપનીમાં નોકરી કરતો હતો. જેની ડ્યુટી રવિવારે રિવરફ્રન્ટ પર સવારે 7થી બપોરનાં 3 વાગ્યાં સુધીની હતી. તેની નજર સામે યુવતીને ઝંપલાવતાં જોઈ તે તેને બચાવવા ગયો હતો. જેમાં તેનું મોત નિપજ્યું હતું.

આત્મહત્યા કરનાર યુવતી રાજસ્થાનથી પરીક્ષા આપવા આવી હતી

મૂળ રાજસ્થાનનાં બાડમેજ જિલ્લાનાં  બલોતરાની 21 વર્ષીય મિનાક્ષી ખુશાલચંદ સિંધી અમદાવાદ એક બેંકની પરિક્ષા આપવાં માટે આવી હતી. જેણે સવારે નદીમાં ઝંપલાવ્યું હતું. જેમાં તેનું મોત નિપજ્યું હતું. તેને બચાવવા પડેલા ધીરજ અને તેના મૃતદેહને ફાયરનાં જવાનોએ નદીમાંથી બહાર કાઢ્યો હતો. તે દરમિયાન મીનાક્ષીના પર્સમાંથી એક પરિક્ષાની રિસિપ્ટ મળી હતી. જેમાં આજની પરીક્ષાની તારીખ લખેલી હતી. આ સાથે તેની પાસેથી એ આધાર કાર્ડ મળ્યું હતું. તેનાં આધારે તેમજ રિવરફ્રન્ટ ઈસ્ટ પોલીસ સ્ટેશનમાં ફરજ બજાવતા પોલીસ કર્મી મોતીભાઈએ પોતાની રીતે તપાસ કરી તેનાં માતા પિતાને રાજસ્થાન જાણ કરી દીધી હતી. જેને પગલે યુવતીનાં માતા પિતા અમદાવાદ આવવા રવાનાં થયાં હતાં. 

100 મીટરનાં અંતરેથી વધુ એક મહિલાએ ઝંપલાવ્યું

મીનાક્ષી અને ધીરજનાં ઝંપલાવતાં તેને બચાવવાં ફાયર બ્રિગેડની ટીમ ત્યાં પહોંચી હતી. આ દરમિયાન આ ઘટનાનાં 100 મીટરનાં અંતરે વધુ એક મહિલાએ નદીમાં ઝંપલાવ્યું હતું. જેને બચાવવા એક રાહદારીએ પણ નદીમાં ઝંપલાવ્યું હતું. જોકે આ બન્નેને જીવતાં ફાયર બ્રિગેડે બહાર કાઢ્યા હતાં. રાહદારી ત્યાંથી જ પોતાનાં ઘરે રવાના થયો હતો. જ્યારે આત્મહત્યાનો પ્રયાસ કરનાર મહિલાને સારવાર માટે સિવિલ હોસ્પિટલ ખસેડવામાં આવી હતી.