મોટા સમાચાર / કાશ્મીરના બાંદીપોરામાં મળી આવ્યો હથિયારોનો જથ્થો, સેનાને મળી મોટી સફળતા

• કાશ્મીરના બાંદીપોરામાં સુરક્ષાદળોની મોટી સફળતા
• મોટા આતંકવાદી ષડયંત્રને બનાવ્યું નિષ્ફળ
• સુરક્ષાદળોએ હથિયારોનો મોટો જથ્થો કર્યો જપ્ત

Jammu and Kashmir Police have recovered three AK-47s along with 358 rounds, 12 AK rifle magazines, two pistols, four pistol magazines, 16 grenades during an operation in Tarbal village in Gurez sector, Bandipora district pic.twitter.com/NynGyD9YNB

— ANI (@ANI) August 11, 2021

કાશ્મીર ખીણના બાંદીપોરામાં એલઓસીની પાસે બુધવારે હથિયારો અને દારૂગોળોનો જથ્થો જપ્ત કર્યો છે. સર્ચ અભિયાન દરમ્યાન પ્રાપ્ત થયેલ આ જથ્થામાંથી મોટા આતંકવાદી ષડયંત્રને સુરક્ષાદળોએ ટાળી દીધુ છે. આ સંદર્ભે પોલીસે મામલો નોંધી આગળની કાર્યવાહી હાથ ધરી છે. 

સર્ચ ઓપરેશન શરૂ

મહત્વનું છે કે, સુરક્ષાદળોએ ઉત્તર કાશ્મીરના બાંદીપોરા જિલ્લાના ગુરેજના તરબલ ગામમાં નિયંત્રણ રેખાની પાસે હથિયારો અને દારૂગોળોનો એક જથ્થો જપ્ત કર્યો છે. સત્તાવાર સુત્રોએ જણાવ્યું કે, જમ્મુ-કાશ્મીર પોલીસ અને સેના તરફના વિસ્તારમાં સર્ચ ઓપરેશન શરૂ કરી દેવામાં આવ્યું હતું. આ દરમ્યાન ગોવિંદ નાળા વિસ્તારમાં આ જથ્થો જપ્ત કરવામાં આવ્યો છે. જેમાં ત્રણ એકે-47 રાઈફલ, એકે-47ની 12 મેગેઝીન, બે પિસ્તોલ એમ કુલ 550 કારતુસ, 18 ગ્રેનેડ અને અન્ય આપત્તિજનક સામગ્રી સામેલ છે.

હથિયાર અને દારૂગોળો થયો જપ્ત

પૂંછમાં ભારતીય સેના, એસઓજી અને બીએસએફે સોમવારે એક આતંકી ઠેકાણુ ધ્વસ્ત કર્યુ હતું. આ આતંકવાદી ઠેકાણા પરથી ભારે માત્રામાં હથિયાર અને દારૂગોળો એકત્રિત થયો છે. સ્વતંત્રતા દિવસ પહેલાં આ આતંકી ઠેકાણાની ભાળ મળી અને ષડયંત્રને નિષ્ફળ બનાવવા માટે સુરક્ષાદળોની મોટી સફળતા મનાઈ રહી છે.

સર્ચ ઓપરેશન દરમ્યાન આતંકી ઠેકાણું મળ્યું

ઉલ્લેખનીય છે કે, વિશિષ્ટ ઈનપુટ પર પૂંછમાં વન ક્ષેત્રમાં સેના, એસઓજી પૂંછ અને બીએસએફનું સંયુક્ત અભિયાન શરૂ કરવામાં આવ્યું હતું. સર્ચ ઓપરેશન દરમ્યાન એક આતંકવાદી ઠેકાણું મળ્યું. જ્યાંથી હથિયાર અને દારૂગોળો મળ્યો હતો. જેમાંથી એકે-47, એકે-47ની બે મેગઝીન, એકે-47ના 257 કારતુસ, બે મોબાઈલ ચાર્જર અને બે બેટરી સામેલ છે.