ફરી એકવાર લાખો લોકોનો ડેટા લીક થઈ ગયો છે.સાયબર સિક્યુરિટી ફર્મ ટવેલ્વ સિક્યુરિટીના રિપોર્ટ અનુસાર વોયઝ હોમ સિક્યુરિટી કેમેરાના લાખો માલિકોનો અંગત ડેટા ઓનલાઇન લીક થયો છે. રિપોર્ટમાં કહેવામાં આવ્યું છે કે લોકોના પાસવર્ડ્ અને આર્થિક માહિતી આ લીકમાં સામેલ નથી. જો કે, ઈ-મેલ એડ્રેસ વાઇ-ફાઇ અને હેલ્થ ડેટા સહિતની માહિતી લીક થઇ છે.
લીક થયેલા ડેટામાં યુઝર્સના બાયોમેટ્રિક્સ એટલે કે ઉંચાઇ, વજન,જાતિ સહિતની વિગતો પણ શામેલ
હવે યુઝર્સે તેમનો પાસવર્ડ ફરીથી સેટ કરવો પડશે
વોયઝના કો-ફાઉન્ડર ડોંગશેંગ શોંગે પણ તેમના બ્લોગ પોસ્ટમાં આ રિપોર્ટને સમર્થન આપ્યું છે. શોંગના જણાવ્યા અનુસાર ડેટાને એક સર્વરથી બીજા સર્વરમાં ટ્રાન્સફર કરનાર કંપનીના કર્મચારીએ કરેલી ભુલના કારણે યુઝર્સનો ડેટા લીક થઈ ગયો છે. તેમણે લખ્યું છે અમે આ મામલાની તપાસ કરી રહ્યા છીએ અને તે કેવી રીતે બન્યું તે શોધવાનો પ્રયાસ કરી રહ્યા છીએ. લીક થયેલા ડેટામાં યુઝર્સના બાયોમેટ્રિક્સ એટલે કે ઉંચાઇ, વજન,જાતિ સહિતની વિગતો પણ શામેલ છે. આ યુઝર્સ વોયેજના નવા સ્કેલના બીટા પરીક્ષણમાં સામેલ હતા.
યુઝર્સના હાડકાંની ઘનતા અને તેઓ રોજ ભોજનમાં કેટલું પ્રોટીન લે છે તે પણ લીક થયેલા ડેટામાં છે. જોકે કંપનીએ આ બાબતને રદિયો આપ્યો છે. તેમનું કહેવું છે કે કંપની આવી માહિતી યુઝર્સ પાસેથી એકત્રિત કરતી નથી. વોયેજે અસરગ્રસ્ત યુઝર્સને ડેટા લીક અંગે જાણ કરવાનું શરુ કર્યું છે. હવે યુઝર્સે તેમનો પાસવર્ડ ફરીથી સેટ કરવો પડશે.યુઝર્સને ટુ ફેકટર ઓથેન્ટિકેશન એનેબલ કરવા પણ જણાવવામાં આવ્યું છે.
ઉલ્લ્ખનીય છે કે થોડા દિવસ પહેલા હેકર્સે એમેઝોન રિંગ કેમેરાના હજારો યુઝર્સના પાસવર્ડ્સ એક્સેસ કર્યા હતા. જો કે એમેઝોને કહ્યું હતું કે પાસવર્ડ્સ તેમની સિસ્ટમમાંથી નહીં પણ થર્ડ પાર્ટીથી ચોરી કરવામાં આવ્યા હતા.