સરહદ પાર પાકિસ્તાનની નેવી તૈનાત થયાના ઈનપુટ મળતા સરહદી જિલ્લા કચ્છની બોર્ડર ઉપર હાઈએલર્ટ ઘોષિત કરી દેવાઈ
રાઉન્ડ ધ ક્લોક પેટ્રોલિંગ હાથ ધરાયું
જવાનોની રજાઓ પણ રદ્દ કરી દેવાઈ
15મી ઓગસ્ટને લઈ હાઈએલર્ટ અપાયું
કચ્છની સરહદી સુરક્ષામાં વધારો કરી દેવામાં આવ્યો છે. હાલ ભારત પાકિસ્તાન સાથે તંગ વાતારવણને લઈ બોર્ડરોની સુરક્ષામાં વધારો કરી દેવામા આવ્યો છે.
રાઉન્ડ ધ ક્લોક પેટ્રોલિંગ હાથ ધરાયું
ગુજરાતમાં સૌથી વધુ સરહદી વિસ્તાર આવેલો છે. સુત્રોની જાણકારી મુજબ સરહદ પાર પાકિસ્તાનની નેવી તૈનાત થયાના ઈનપુટ મળતા સરહદી જિલ્લા કચ્છની બોર્ડર ઉપર હાઈ એલર્ટ ઘોષિત કરી દેવામાં આવ્યું છે. પાકિસ્તાની PMC રેન્જર્સના બદલે પાકિસ્તાની નેવી તૈનાત થઈ હોવાના ઈનપુટ મળતા BSFએ રાઉન્ડ ધ ક્લોક પેટ્રોલિંગ હાથ ધરાયું છે.
જવાનોની રજાઓ પણ રદ્દ કરી દેવામાં આવી
હાઈએલર્ટને પગલે સિક્યોરિટી ફઓર્સના જવાનને હેડક્વોર્ટરથી ખસેડીને સીમા ઉપર તૈનાત કરી દેવામાં આવ્યા છે. આમ સીમા ઉપર જવાનોની સંખ્યા વધારી દેવામાં આવી છે. મળતી માહિતી પ્રમાણે કચ્છની ઈન્ડો પાક બોર્ડર ઉપર હાઈએલર્ટને પગલે ક્રિકમાં બીએસએફ દ્વારા ચાપતો બંદોબસ્ત કરી દેવામાં આવ્યો છે. એલર્ટને પગલે BSFના અધિકારીઓ અને જવાનોની રજાઓ પણ રદ્દ કરી દેવામાં આવી છે.
15 મી ઓગસ્ટને લઈ હાઈએલર્ટ અપાયું
ઉલ્લેખનિય છે કે થોડા દિવસ પહેલા જ કાશ્મીર બોર્ડર પર ડ્રોન તેમજ દેશમાં આતંકી ઘટનાઓને લઈ હાઈએલર્ટ આપવામાં આવ્યું છે. મહત્વનું છે કે આ એક રૂટિન પ્રક્રિયા હોવાનું પણ જણાઈ રહ્યું છે 15 મી ઓગસ્ટ આવી રહી છે ત્યારે દર વર્ષ આ પ્રકારનું એલર્ટ આપવામાં આવતું હોય છે.