એલર્ટ / આતંકીઓની આ ખાસ આવડતથી સુરક્ષા એજન્સીઓ પણ થઈ ગઈ છે હેરાન

આતંકીઓનું લોકપ્રિય નેટવર્ક ટૉર આખરે છે શું?

આ વૈશ્વિક સ્તર પર આતંકવાદીઓના (terrorists) નેટવર્ક અને સરકાર વિરોધી પ્રદર્શનકારીઓ વચ્ચે લોકપ્રિય છે. ટૉર લોકોના લોકેશનનો પત્તો લગાવવો કે યુઝર્સની બ્રાઉઝિંગ આદતો પર જાસૂસી કરવા દેતું નથી. આ નેટવર્ક (Network) વિન્ડોઝ, મેક, લિનક્સ અને એન્ડ્ર્યોઈડ માટે ઉપલબ્ધ છે. ટૉરનો ઉપયોગ ખાસ કરીને પ્રદર્શનકારીઓને એકઠા કરવા માટે કરવામાં આવે છે, કેમ કે કેમાં સરકારના સાયબર સેલનાં હાથે પકડાઈ જવાનો કોઈ ખતરો પણ હોતો નથી.

ઑફ ધ ગ્રિડ એપ્સ પણ હોય છે ખતરનાક

આ એપ્સથી લોકો એકબીજા સાથે મોબાઈલ નેટવર્ક વગર જ વાઈફાઈ કે બ્લુટૂથના માધ્યમથી 100-200 મીટરની રેન્જમાં સંપર્ક કરી શકે છે. આ ઑફ ધ ગ્રિડ એપ્સ ઈન્ટરનેટ કનેક્શન અથવા 2જી, 3જી કે 4જી નેટવર્ક કવરેજ વગર પણ કામ કરે છે. ક્યારેક આ એપ્સ આઈઓએસ અને એન્ડ્ર્યોઈડ માટે ઉપલબ્ધ વૉકી-ટૉકી એપની જેમ પણ વપરાય છે. તે એક રીતે ફેસબુક કે વોટ્સએપ અને મેશ નેટવર્કની જેમ કામ કરે છે.

મેશ નેટવર્કને પણ જાણી લો

https://www.geckoandfly.comના એક રિપોર્ટ અનુસાર, મેશ નેટવર્ક ત્યારે જ કામ કરે છે, જ્યારે બે કે તેનાથી વધારે સ્માર્ટફોન એકબીજાની રેન્જમાં હોય છે. આ અંતર કે કવરેજ સ્માર્ટફોનના સિગ્નલની મજબૂતી પર આધાર રાખે છે. તે એકથી બીજા મૉડલમાં અલગ-અલગ હોઈ શકે છે, જે સામાન્ય રીતે બે સ્માર્ટફોન વચ્ચે લગભગ 100 ફૂટ હોય છે.

ફાયર ચેટ એપ

આ એક નવતર પ્રકારની એપ છે, જે યુઝર્સને ઈન્ટરનેટ કે મોબાઈલ કવરેજ વગર પણ અંદરોઅંદર સંપર્ક અને વાતચીત કરવા સક્ષમ બનાવે છે. આ એપ લોકોને એકબીજા સાથે જોડીને દુનિયાના કોઈપણ ભાગમાં સંપર્ક સાધવા પણ સક્ષમ બનાવે છે. આ એપ બ્લૂટૂથનાં માધ્યમથી ફોનને એકબીજા સાથે કનેક્ટ કરે છે. તેનાથી લોકો સહેલાઈથી ફોનકૉલ પણ કરી શકે છે, ટેક્સ્ટ મેસેજ મોકલી શકે છે અને ફાઈલો પણ ટ્રાન્સફર કરી શકે છે.

સિગ્નલ ઑફલાઈન મેસેન્જર

આ એક વાઈ-ફાઈ આધારિત એપ છે. આ એપ્લિકેશનની મદદથી કોઈ પણ વ્યક્તિ 100 મીટરના અંતર સુધી ઈન્ટરનેટ કે સ્થાનિક નેટવર્ક વગર પણ અન્ય વ્યક્તિ સાથે વાત કરી શકે છે.