પેટ્રોલ-ડીઝલની સાથે સાથે સીએનજીના ભાવોમાં સતત વધારાની વિરુદ્ધમાં આજે કેબ અને ઓટો ચાલક રસ્તા પર ઉતરી આવ્યા હતા.
ઈંધણના ભાવમાં ભડકો
ઓટો ચાલકો અને કેબ ડ્રાઈવરો રસ્તા પર ઉતર્યા
સરકાર સામે કરી રહ્યા છે વિરોધ
પેટ્રોલ-ડીઝલની સાથે સાથે સીએનજીના ભાવોમાં સતત વધારાની વિરુદ્ધમાં આજે કેબ અને ઓટો ચાલક રસ્તા પર ઉતરી આવ્યા હતા. કેબ ચાલક અને ઓટો ચાલકો રસ્તા પર આવવાના કારણએ જ્યાં મુસાફરોને પરેશાનીનો સામનો કરવો પડી રહ્યો છે, તો વળી ઓટો ચાલકોનું કહેવુ છે કે, અમે સરકાર બનાવી છે, સરકાર અમારી સામે જોતી નથી.
ભાવ વધારાના વિરોધમાં રસ્તા પર ઉતર્યા ઓટો ચાલકો
આપને જણાવી દઈએ કે, કેબ અને ઓટો ચાલક યુનિયને 07 એપ્રિલના રોજ પેટ્રોલ અને ડીઝલ તથા સીએનજીના વધતા ભાવોના કારણે હડતાળ કરવાનો નિર્ણય કર્યો હતો. આજે કેબ અને ઓટો ચાલક જંતર મંતર પર સવારે દશ વાગ્યાથી પહોચી ગયા અને પેટ્રોલ તથા ડીઝલ અને સીએનજીના ભાવ વધારાને લઈને પોતાનો વિરોધ દર્શાવ્યો હતો. ઓટો ચાલકોનું કહેવુ છે કે, જો સરાકર ઈંધણ પર રાહત નહીં આપે તો, તેઓ 18 એપ્રિલથી અનિશ્ચિતકાળ સુધી હડતાળ પર ઉતરી જશે.
સરકાર સાંભળશે નહીં તો અનિશ્ચિતકાળ સુધી હડતાળ
સર્વોદય ડ્રાઈવર્સ વેલફેર એસોસિએશનના રવિ રાઠોડના જણાવ્યા અનુસાર, સીએનજી સહિત તમામ ઈંધણના ભાવમાં વધારાને લઈને ચાલકોની મુશ્કેલીઓ ખૂબ વધી ગઈ છે. તેને કાબૂમાં કરવા માટે સરકાર તરફથી રાહત આપવા અને ભાડા વધારવાની માગ કરી છે. કહ્યું છે કે, જો માગ પર સુનાવણી નહીં થાય તો, તેમનું સંગઠન અનિશ્ચિતકાળ સુધી હડતાળ કરશે. સંગઠને દાવો કર્યો છે કે, દિલ્હી-એનસીઆરમાં લગભગ ચાર લાખ ચાલકો છે.
અમે સરકાર બનાવી પણ...
એક ઓટો ચાલકે જણાવ્યું હતું કે, મોંઘવારીથી અનેક મુશ્કેલીઓ વેઠવી પડે છે. સરકાર અમારા ગરીબોની નથી સાંભળતી, પેસેન્જર પાસેથી અમે 10 દશ રૂપિયા વધારે માગીએ તો, પેસેન્જર ઉતરી જાય છે, અમે સરકારને બનાવી, પણ સરકાર અમારી વાત સાંભળતી નથી. અમારી સામે જોતી પણ નથી.
અમારા હાથમાં કંઈ નથી આવતું
ઓટો ચાલક પ્રેમ દાસે જણાવ્યું હતું કે, અમારામાં કેટલાય લોકો ભાડેથી રિક્ષા લઈને ચલાવે છે. સીએનજી ખરીદવા માટે અને ઓટો રિક્ષા માલિકને ભાડૂ આપ્યા બાદ અમારા હાથમાં કંઈ વધતું નથી. અમે પણ શું કમાઈશું અને અમારા ઘર માટે શું કરીશું. તો વળી એક ડ્રાઈવરે કહ્યું કે, સીએનજીના ભાવ દિવસેને દિવસે વધી રહ્યા છએ, જેનાથઈ કામ પ્રભાવિત થઈ રહ્યા છે. જૂના મીટર રેટ હજૂ પણ ચાલી રહ્યા છે.
સીએનજી અને પેટ્રોલ તથા ડીઝલના ભાવમાં થઈ રહ્યો છે વધારો
આપને જણાવી દઈએ કે, છેલ્લા 18 દિવસમાં પેટ્રોલ અને ડીઝલના ભાવમાં 10 રૂપિયા પ્રતિ લિટરનો વધારો થઈ ચુક્યો છે. તો વળી કંપ્રસ્ડ નેચુરણ ગેસના ભાવ ગુરૂવારે 2.5 રૂપિયાનો વધારો થયો હતો. તેના એક દિવસ પહેલા પણ સીએનજીના ભાવમાં 2.5 રૂપિયાનો વધારો કરવામાં આવ્યો હતો. છેલ્લા એક અઠવાડીયાની અંદર સીએનજીના ભાવમાં 9 રૂપિયા અને 60 પૈસાનો વધારો થઈ ચુક્યો છે. જેને લોકોએ મુશ્કેલીના નાખી દીધા છે.