ગાંધીનગર / શહેરી વિકાસ સચિવ સહેરાએ નાયબ સચિવ જી.પી પટેલને સચિવાલયમાં લાફો માર્યાની ચર્ચા

શહેરી વિકાસ સચિવે એક નાયબ સચિવે કક્ષાના અધિકારીને ફટકાર્યા હોવાની ચર્ચા ચાલી હતી. સોશિયલ મીડિયામાં પણ આ ઘટના વાયરલ થઇ હતી. જેમાં તેને દુઃખદ છે તેવા લખાણ સાથે મેસેજ ફરતા થયા હતા.

શહેરી વિકાસ વિભાગના અર્બન હાઉસિંગ વિભાગના સચિવ લોચન સહેરાએ નાયબ સચિવ જીપી પટેલને કામકાજ દરમિયાન બોલાચાલી બાદ માર માર્યાની ચર્ચા જાગી હતી. જોકે વાત વહેતી થતા સચિવ લોચને આ આક્ષેપોને ખોટા ગણાવ્યા હતા. તેમણે કહ્યું હતું કે આ પ્રકારની કોઇ ઘટના બની નથી. તેમણે કહ્યું કે, પટેલ હંમેશા તેમના ઉગ્ર સ્વભાવના છે ત્યારે ગઇકાલે ચેમ્બરમાં તેઓ આવેશમાં આવી ગયા હતા. તેઓ ઊંચા અવાજે વાત કરવા લાગ્યા જેને લઇને મે તેમને ઠપકો આપતા ચેમ્બરમાંથી બહાર જવા કહ્યું હતું.

મહત્વનું છે કે, આ મામલે કેટલાક અધિકારીઓએ જણાવ્યું હતું કે સચિવ સહેરા આ પ્રકારનું વર્તન કરે તેવા અધિકારી નથી. નાયબ સચિવ પટેલે સહાનુભૂતિ મેળવવા માટે આમ કર્યું હોય તેવું બની શકે છે તેમ જણાવ્યું હતું.