કાર્યવાહી / લેડિઝ ટોઈલેટમાં ફિટ કર્યો સિક્રેટ કેમેરો, રેકોર્ડ કર્યા 60 વીડિયો, હવે સજા સાંભળતા જ રડવા લાગ્યો શખ્સ

• એમ્બેસીના લેડીસ ટોયલેટમાં એક આરોપીએ સિક્રેટ કેમેરો લગાવી વીડિયો ઉતારી લીધા
• 60 જેટલા વિડિયો બનાવ્યાનું ખુલ્યું
• આરોપીને બે વર્ષની સજાની સુનાવણી

એમ્બેસીના લેડીસ ટોયલેટમાં એક આરોપીએ સિક્રેટ કેમેરો લગાવી દીધો હતો. બાદમાં છુપી રીતે મહિલાઓના 60 જેટલા વિડિયો બનાવી લીધા હતા. જે મામલે ભોપાળું છતું થયા બાદ કોર્ટ આરોપીને બે વર્ષની સજાની સુનાવણી કરી છે તો બીજી તરફ પીડિત મહિલાઓને વળતર ચૂકવવા પણ કોર્ટે આદેશ કર્યો છે. કોર્ટ દ્વારા સજાની સુનાવણી દરમિયાન આરોપી રડવા લાગ્યો હતો.
 
60 મહિલાઓના વિડીયો બનાવી લીધા

Thaigar ના રિપોર્ટ મામલે જાણવા મળતી વિગતો અનુસાર થાઈલેન્ડની રાજધાની બેંગકોકમાં ઓસ્ટ્રેલિયાની એમ્બેસીમાં ચોંકાવનારી ઘટના સામે આવી છે. જેમા થાઈલેન્ડમાં આવેલ એમબેસીના આઈટી કર્મચારી 39 વર્ષીય નયોત બેક થમસોંગસાનાને દોષિત જાહેર કરાયો છે. આ મામલે તપાસ અધિકારીએ નિવેદન આપી કહ્યું હતું કે નિયતએ છુપી રીતે બાથરુમમાં કેમેરા લગાવી 60 મહિલાઓના વિડીયો બનાવી લીધા હતા. જેને લઈને સમગ્ર પ્રકરણ બહાર આવતા મહિલાઓએ રોયલ થાય પોલીસ મથકમાં નિવેદન આપ્યું હતું. જેમાં બે મહિલાઓએ આરોપી વિરુદ્ધ ફરિયાદ દાખલ કરી છે. ત્યારબાદ નયોત સામે કોર્ટમાં સુનાવણી હાથ ધરવામાં આવી હતી.

જજનો આદેશ સાંભળતાની સાથે જ નયોત ચોધાર આસુએ રોઈ પડ્યો 
આ મામલે કોર્ટે સુનાવણી દરમિયાન નયોતને ચાર વર્ષની આકરી સજા ફટકારી હતી. ત્યારબાદ સજામાં ઘટાડો કરી અને બે વર્ષની સજાનો હુકમ સંભળાવ્યો હતો.જજનો આ આદેશ સાંભળતાની સાથે જ નયોત ચોધાર આસુએ રોઈ પડ્યો હતો. આ કેસ મામલે જજે હુકમ કરતા જણાવ્યું કે નયોત સમાજ માટે ગંભીર ખતરા સમાન છે. જેને અનેક લોકોને હેરાન કર્યા છે. રિપોર્ટ મુજબ એવું પણ જાણવા મળી રહ્યું છે આરોપી આગાઉ પોલીસ ચોપડે ચડ્યો નથી.