કોવિડ 19 / જાણો ક્યારે આવશે કોરોનાની બીજી લહેરનો પિક અને ક્યારે ઘટશે કેસ, IITના સંશોધકોનું અનુમાન જાહેર

• કોરોના કેસોની સંખ્યા સતત વધી રહી છે 
• મોદી સરકાર અને રાજ્ય સરકારો પણ છે ચિંતિત 
• આઈઆઈટીના સંશોધકોએ કર્યું સ્ટડી 

દેશમાં કોરોનાની બીજી લહેર 11 થી 15 મેની વચ્ચે તેની પિક પર આવશે. આ સમય દરમિયાન, દેશમાં 33 થી 35 લાખ સક્રિય કેસ હશે. આઈઆઈટીના વૈજ્ઞાનિકોએ  તૈયાર કરેલા ગાણિતિક મોડેલના આધારે રિપોર્ટ અનુસાર, મે મહિનાના અંતમાં ચેપની ગતિ ઝડપથી ઘટશે. શુક્રવારે દેશમાં 3.32 લાખથી વધુ નવા કેસ નોંધાયા છે, જ્યારે કે સંક્રમણના કારણે 2263 લોકોના મોત નીપજ્યાં છે. દેશમાં હાલમાં 24.28 લાખ સક્રિય કેસ છે.

મોડેલમાં નવા ફોર્મ્યુલાનો પ્રયોગ 

મહત્વનું છે કે આ રિપોર્ટમાં કહેવામાં આવ્યું છે કે સક્રિય કેસની સંખ્યામાં 10 લાખનો વધારો થઈ શકે છે. આઈઆઈટી કાનપુર અને હૈદરાબાદના વૈજ્ઞાનિકોએ  તેમના મોડેલ માટે સૂત્રા (Susceptible, Undetected, Tested (positive), and Removed Approach)  સૂત્ર અપનાવ્યું હતું.

આ રાજ્યોમાં કોરોનાનો પ્રકોપ વધશે 

સંશોધકો કહે છે કે દિલ્હી, હરિયાણા, રાજસ્થાન અને તેલંગાણા 25 થી 30 એપ્રિલ સુધીના નવા કેસોના સંદર્ભમાં નવી ઉંચી સપાટીને સ્પર્શી શકે છે જ્યારે મહારાષ્ટ્ર અને છત્તીસગઢ નવા કેસોના મામલે પહેલેથી જ ટોચ પર પહોંચી ગયા છે. આઈઆઈટી કાનપુરના કમ્પ્યુટર સાયન્સ વિભાગના પ્રોફેસર મનિન્દર અગ્રવાલના પીટીઆઇ-ભાષાને જણાવ્યા અનુસાર "11થી 15 મેની વચ્ચે એક્ટિવ કેસોની સંખ્યા વધી શકે છે, તે ઝડપી વૃદ્ધિ છે, જે 33થી 35 લાખ જેટલી રહી શકે છે, પરંતુ તે જ સમયે, નવા કેસમાં ઘટાડો પણ નાટકીય રીતે તીવ્રતાથી થશે અને મેના અંત સુધીમાં તે ઘટશે. "

જો કે હજી સુધી આ રિસર્ચ પેપર પ્રકાશિત થયું નથી અને સંશોધકો કહે છે કે તેમના મોડેલમાં ઘણી વિશેષ બાબતો છે જ્યારે પહેલાના અભ્યાસમાં દર્દીઓને લક્ષણો વાળા અને ચેપ વિનાના એમ વહેંચાયેલા હતા. નવું મોડેલ એ હકીકતની પણ નોંધ લે છે કે કોઈ ચેપ લાગતા દર્દીઓના એક વર્ગને ચેપગ્રસ્ત લોકોની તપાસ માટે અથવા અન્ય નિયમો દ્વારા શોધી શકાય છે.

15 એપ્રિલનો અંદાજ સાચો ન થયો!

આ મહિનાની શરૂઆતમાં, ગણતરીના મોડેલો દ્વારા એવો અંદાજ લગાવવામાં આવ્યો હતો કે દેશમાં ચેપનો દર 15 એપ્રિલ સુધીમાં ટોચ પર પહોંચશે, પરંતુ આ વાત સાચી સાબિત થઈ ન હતી. અગ્રવાલે કહ્યું, "વર્તમાન તબક્કા માટે અમારા મોડેલના પરિમાણો સતત બદલાતા રહે છે, તેથી ખૂબ સચોટપણે આકારણી કરવી મુશ્કેલ છે. દૈનિક કેસોના કેસોની સંખ્યામાં પણ ફેરફાર હજારોનો વધારો કરી શકે છે. " 

અગ્રવાલે કહ્યું કે રોગચાળાની આગાહી કરવા મોડેલમાં ત્રણ માપદંડોનો ઉપયોગ કરવામાં આવ્યો છે. પ્રથમ બીટા અથવા સંપર્ક, જે એક વ્યક્તિ દ્વારા બીજા કેટલાને ચેપ લાગ્યો તેના આધારે ગણવામાં આવે છે.તેમણે જણાવ્યું હતું કે બીજો માપદંડ એ છે કે રોગચાળાના પ્રભાવવાળા ક્ષેત્રમાં કેટલી વસ્તી આવી, ત્રીજો માપદંડ એ શક્ય અને પુષ્ટિ ન થયેલ કેસો અને પુરવાર થયેલ કેસોનું ગુણોત્તર છે.