13 જૂલાઇના વર્ષનું બીજું સૂર્યગ્રહણ, જાણો કઇ રાશિ પર પડશે પ્રભાવ

By : juhiparikh 03:35 PM, 09 July 2018 | Updated : 03:35 PM, 09 July 2018
જુલાઇ મહિનામાં બે ગ્રહણ લાગવા જઇ રહ્યા છે. સૌથી પહેલું ગ્રહણ 13 જૂલાઇના રોજ લાગનાર છે, જે આ વર્ષનું બીજું સૂર્યગ્રહણ હશે. અગાઉ ફેબ્રુઆરીમાં મહિનામાં સૂર્યગ્રહણ લાગ્યું હતુ. ગ્રહણના સમયે સૂર્ય મિથુન રાશિમાં હશે અને ચન્દ્રમા પણ હાજર હશે.

આ સૂર્યગ્રહણ ભારતમાં નહી દેખાય, જેથી તેનું સૂતક ભારતમાં નહી લાગે. આ સૂર્યગ્રહણ ઓસ્ટ્રેલિયાના દક્ષિણી ભાગ વિક્ટોરિયા, તસ્માનિયા, પ્રશાંત અને હિંદ મહાસાગરમાં જોવા મળી શકે છે. સવારે 7 વાગીને 18 મિનિટ પર ગ્રહણનો પ્રારંભ થશે અને તેની સમાપ્તી 9 વાગીને 43 મિનિટ પર થશે. કુલ 2 કલાક 25 મિનિટ સુધી ગ્રહણ ચાલશે. જાણો આ ગ્રહણથી તમારી રાશિ પર કેવો પ્રભાવ પડશે.

મેષ:
આ રાશિના જાતકોને મિત્રો પાસેથી લાભ મળી શકે છે. કોઈ સ્ત્રી મિત્રથી એમને સારો સહયોગ મળશે અને તેમનાથી વિશેષ લાભ પ્રાપ્ત કરી શકો છો. આવકમાં વૃદ્ધિના યોગ બનશે અને ખાણી-પીણીના સારા સંયોગ બનશે.

વૃષભ:
સૂર્ય ગ્રહણના પ્રભાવથી તમારું સ્વાસ્થ્ય બગડી શકે છે. સ્ત્રીઓ અને જળસ્રોતથી દૂર રહેવું. ખોટો ખર્ચો થઈ શકે છે અને અનિદ્રાની સમસ્યા થઈ શકે છે.

મિથુન:
કાર્યક્ષેત્રમાં લાભના યોગ છે. પરિજનો સાથે વિવાદ ન થાય તે માટે નકામી દલિલો ન કરવી. કોઈ વાતને લઈને મુંઝવણમાં રહી શકો છો. કાર્યક્ષેત્રમાં કોઈ મહિલા તમારી બહુ મદદ કરી શકે છે.

કર્ક:
મિત્રો અથવા પરિજનો સાથે વ્યવહારમાં સંયમ રાખવો, નહીંતર કોઈ વાતને લઈને મનભેદ થઈ શકે છે. વાહન ચલાવતી વખતે સાવચેત રહેવું. કોઈ શુભ સમાચારની પ્રાપ્તિના યોગ છે.

સિંહ:
નોકરી અને વ્યવસાયમાં પ્રગતિના યોગ બનેલા છે. ઘર-પરિવારમાં ખુશીનો માહોલ રહેશે. કેટલાંક કાર્યો પૂર્ણ કરવા માટે તમારે વધુ મહેનત કરવી પડી શકે છે.

કન્યા:
તમારા માટે આ સમય સરકારી કાર્યો પતાવવાનો છે. જો કોર્ટ-કચેરીમાં કોઈ મામલો અટકાયેલો પડ્યો હોય તો આ સમયે તેનું નિરાકરણ લાવવાનો પ્રયત્ન કરવો જોઈએ. વેપારીઓ માટે આકરો સમય છે.

તુલા:
આ સમયે તમારા દાંપત્ય જીવનમાં થોડી દૂરી આવી શકે છે. આર્થિક સ્થિતિમાં પણ ગડબડી થઈ શકે છે. સરકારી કાર્યોમાં સફળતા મળશે અને મિત્રોથી લાભ થશે.

વૃશ્ચિક:
આ સમયગાળા દરમિયાન તમને આળસ થઈ શકે છે. કાર્યક્ષેત્રમાં અથવા સંબંધિત અધિકારીઓ સાથે કોઈ વાતને લઈને વિવાદ થઈ શકે છે. લાંબા સમયથી પ્રયત્ન કરી રહેલા લોકો માટે વિદેશ જવાના યોગ છે.

ધન:
તમારા માટે આ સમય થોડો મુશ્કેલી ભર્યો હશે. તમારા રોજિંદા કાર્યોમાં સંયમ રાખીને પ્રભુના ભજન-કીર્તન કરવામાં મન લગાવવું જોઈએ. સંતાનને લઈને કોઈ પ્રકારની ચિંતાથી પરેશાન થઈ શકો છો.

મકર:
ભલે આ સૂર્યગ્રહણ તમારી રાશિમાં વધુ ખર્ચના યોગ દેખાડી રહ્યું હોય, પરંતુ આની સાથે તમને આર્થિક લાભ થવાના સંકેતો પણ મળી રહ્યા છે. આ સમયે લાભની પ્રાપ્તિ માટે તમારે વધુ મહેનત કરવી પડી શકે છે.

કુંભ:
આ સમયે તમારે આર્થિક તંગીનો સામનો કરવો પડી શકે છે. જો કે બીમાર વ્યક્તિની હાલતમાં સુધારાના સંકેત જોવા મળશે. કાર્યક્ષેત્રમાં કોઈ અણબનાવ ન થાય, એ વાતનું ખાસ ધ્યાન રાખવું.

મીન:
સૂર્યગ્રહણના પ્રભાવથી તમે કાર્યક્ષેત્રમાં સારું પ્રદર્શન કરશો અને પરિણામસ્વરૂપ તમારી પ્રગતિના યોગ છે. સંતાન સંબંધી કોઈ શુભ સમાચાર મળી શકે છે.



Recent Story

Popular Story