મતદાન / બિહાર ચૂંટણી : બીજા તબક્કામાં 54.64 % થયું મતદાન, આ જિલ્લામાં નોંધાયું સૌથી ઓછું વોટિંગ

• બિહાર વિધાનસભાની ચૂંટણી
• આજે યોજાયું બીજા તબક્કાનું મતદાન 
• મુઝફ્ફરપુર જિલ્લામાં સૌથી વધુ વોટિંગ

ઉલ્લેખનીય છે કે, બિહાર વિધાનસભાના બીજા તબક્કાનું મતદાન આજે યોજાયું હતું. જેમાં થયેલ વોટિંગના પ્રમાણમાં પ્રથમ તબક્કામાં મતદાન વધુ થયું હતું કારણ કે, પ્રથમ તબક્કામાં સરેરાશ 55.69 ટકા મતદાન થયું હતું અને લોકો ઉત્સાહ પૂર્વક મતદાન કરવા માટે બૂથ પર પહોંચ્યા હતા. 

મુઝફ્ફરપુર જિલ્લામાં સૌથી વધુ વોટિંગ

બીજા તબક્કાના મતદાનમાં મુઝફ્ફરપુર જિલ્લામાં સૌથી વધુ વોટિંગ થયું હતું. જ્યાં સરેરાશ 59.98 ટકા જેટલું મતદાન નોંધાયું હતું. તો આ તરફ પટણામાં સૌથી ઓછું મતદાન થયું હતું જ્યાં માત્ર  48.24 ટકા વોટ પડ્યા હતા. આ સાથે જ બેગુસરાય જિલ્લામાં પણ મતદાતાઓ ઘરની બહાર આવ્યા હતા અને મતદાન કર્યું હતું. આ વિસ્તારમાં આશરે 58.67 ટકા જેટલું મતદાન થયું હતું. 

Election Commission announces polling percentage for by-elections in various States

Chhattisgarh: 71.99%

Gujarat: 57.98%

Haryana: 68%

Jharkhand: 62.51%

Karnataka: 51.3%

Madhya Pradesh: 66.37%

Nagaland: 83.69%

Odisha: 68.08%

Telangana: 81.44%

Uttar Pradesh: 51.57% https://t.co/Xaz83WKgLy

— ANI (@ANI) November 3, 2020

જાણો ક્યાં થયું કેટલુ મતદાન 

આ સિવાય પૂર્વી ચંપારણ જિલ્લામાં.56.75 ટકા, સીતામઢી જિલ્લામાં 57.40 ટકા, સમસ્તીપુર જિલ્લામાં 56.02  ટકા, સારણ જિલ્લામાં 54.15 ટકા, સીવાનમાં 51.88 ટકા, વૈશાલીમાં 53.46 ટકા મતદાન થયું હતું. બીજા તબક્કાના મતદાનમાં ભાગલપુર જિલ્લામાં 54.85 ટકા, દરભંગા જિલ્લામાં 54.15 ટકા, ગોપાલગંજ જિલ્લામાં 55.09 ટકા, ખાગડીયા જિલ્લામાં 56.10 ટકા, મધુબની જિલ્લામાં 52.70  ટકા અને નાલંદા જિલ્લામાં 51.06 ટકા મતદાન થયું હતું. હવે ત્રીજા તબક્કામાં 7 નવેમ્બરના રોજ મતદાન થશે. મતની ગણતરી 10 નવેમ્બરના રોજ કરવામાં આવશે.

1463 મુરતિયાઓ મેદાનમાં 

બિહારની ચૂંટણીના બીજા તબક્કામાં 1463 ઉમેદવારોના ભાવિનો નિર્ણય થવાનો છે. મંગળવારે સવારે સુશીલ મોદી, તેજસ્વી યાદવ, રાબડી દેવી સહિત અનેક દિગ્ગજોએ મતદાન કર્યું હતું. બીજેપી બીજા તબક્કાની 94 માંથી 46 બેઠકો પર ચૂંટણી લડી રહી છે. ત્રણ તબક્કાઓમાં ભાજપ પાસે આ તબક્કાની મહત્તમ બેઠકો છે. બીજેપીની ગઠબંધન ભાગીદાર વિકાસ ઇન્સાન પાર્ટી (વીઆઇપી) પણ બીજા તબક્કાની પાંચ બેઠકો પર ચૂંટણી લડી રહી છે. એટલે કે, ભાજપ અને વીઆઇપી, 94 માંથી 51 બેઠકો પર ચૂંટણી લડી રહ્યા છે. જેડીયુ આ તબક્કામાં 43 બેઠકો પર ચૂંટણી લડશે.