ગુજરાત અને દેશભરમાં વેક્સિનનો પ્રથમ તબક્કા બાદ હવે બીજો તબક્કાની શરૂઆત થઈ રહી છે. 31 જાન્યુઆરીથી દેશભરમાં વેક્સિનના બીજા તબક્કાની શરૂઆત થઈ રહી છે. બીજા તબક્કામાં ફ્રન્ટલાઈન વર્કરને વેક્સિનનો પ્રથમ ડોઝ આપવાની શરૂઆત થશે. જેમાં ગૃહ વિભાગ, મહેસુલ વિભાગ, પંચાયત વિભાગને આવરી લેવાશે. સાથે શહેરી વિકાસ, ડીઝાસ્ટર મેનેજમેન્ટ વિભાગના કર્મીનું પણ રસીકરણ કરાશે.
બીજા તબક્કાના વેક્સિનેશનની શરૂઆતથી જ એક દિવસમાં એક લાખથી વધુ લોકોને રસી લગાવવાનો લક્ષ્યાંક છે. અલગ-અલગ વિભાગમાં પોલીસ જવાન, હોમગાર્ડસ, SRP જવાનોનો પણ સમાવેશ થઈ રહ્યો છે. આ તમામ વિભાગે લોકડાઉન સમયે પોતાની યથાર્થ મહેનત અને જીવ જોખમમાં રાખીને લોકોની સેવાકાર્ય કર્યું હતું. જો આંકડામાં જોવામાં આવે તો, બીજા તબક્કામાં આશરે 3.3 લાખ કર્મચારીઓને આવરી લેવાશે.
પ્રથમ તબક્કાનું વેક્સિનેશન
દેશમાં પ્રથમ તબક્કાનું વેક્સિનેશન યથાવત્ છે. જેમાં અત્યાર સુધી 2 લાખ 45 હજાર 930 હેલ્થકેર વર્કર્સને રસી આપી દેવાઈ છે. વેક્સીન આપવા માટે રાજ્યમાં હાલ 579 કેન્દ્રોમાં કામગીરી કરી રહ્યા છે. તો બીજી તરફ રાજ્યમાં રસીકરણ બાદ એક પણ ગંભીર આડઅસરનો કેસ જોવા મળ્યો નથી.