ચૂંટણી / લોકસભાની 95 બેઠક પર બીજા તબક્કામાં આવતી કાલે મતદાન...

લોકસભા ચૂંટણીના બીજા તબક્કાના મતદાન માટે મંગળવારે ચૂંટણી પ્રચારના પડઘમ શાંત થઇ ગયા છે. બીજા તબક્કાનું મતદાન 18 એપ્રિલે યોજાશે. આ તબક્કામાં 12 રાજ્ય અને કેન્દ્ર શાસિત પ્રદેશ સહિત 96 બેઠક પર ચૂંટણી યોજાશે. યુપીના બુલંદશહેર સહિત મથુરા, આગ્રા, ફતેહપુર સીકરી, નગીના, અમરોહા, અલીગઢ તેમજ હાથરસ બેઠક પર મતદાન યોજાશે.
 
જ્યારે તમિલનાડૂમાં 38, કર્ણાટકમાં 28માંથી 14, મહારાષ્ટ્રની 48માંથી 10 અને પોંડીચેરી બેઠક માટે મતદાન યોજાશે. તમિલનાડૂની વેલ્લોર  બેઠક પર ચૂંટણી આયોગે મતદાન રદ્દ કર્યું છે. જ્યારે ઓડિશા વિધાનસભાની 35 બેઠક પર પણ આવતીકાલે મતદાન કરવામાં આવશે.
 
આ તબક્કામાં મથુરા સાસંદ હેમા માલિની, ઉત્તર  પ્રદેશ કોંગ્રેસ અધ્યક્ષ રાજ બબ્બર, યૂપી સરકારના મંત્રી એસપી બધેલ, કર્ણાટકતી પૂર્વ પીએમ એચડી દેવગૌડા, જમ્મૂ-કાશ્મીરથી નેશનલ કોન્ફરસના અધ્યક્ષ ફારૂખ અબ્દુલ્લા, તમિલનાડૂથી ડીએમકે નેતા દયાનિધી મારન તેમજ કનિમોઇ, મહારાષ્ટ્રના પૂર્વ સીએમ અશોક ચૌહાણ અને બિહારના કટિહારથી તારિક અનવરની ઉમેદવારીવાળી બેઠક પર આ તબક્કામાં મતદાન થશે.
 
ક્યાં કઇ બેઠક પર થશે મતદાન...
બિહારઃ કિશનગંજ, કટિહાર, પૂર્ણિયા, ભાગલપુર તેમજ બાંકા
ઓડિશાઃ બાઢગઢ, સુંદરગઢ, બોલીંગીર, કંધમાલ તેમજ અસ્કા
પશ્ચિમ બંગાળઃ જલપાઇગુડી, દાર્જિલિંગ તેમજ રાયગંજ
છત્તીસગઢઃ રાજનાંદગાંવ, મહાસમુંદ તેમજ કાંકેર
જમ્મૂ-કાશ્મીરઃ શ્રીનગર તેમજ ઉધમપુર
અસમઃ કરીમગંજ, સિલચર, માંગલોઇ, નગાંવ તેમજ ઓટોનોમસ ડ્રિસ્ટ્રિકટ
મણિપુરઃ ઇનર મણિપુર
ત્રિપુરાઃ ત્રિપુરા