BIG NEWS / ચૂંટણી પહેલાં ગુજરાત AAP એક્ટિવ મોડમાં: સંગઠનનું વધુ એક લિસ્ટ કર્યું જાહેર, કુલ 6098 પદાધિકારીઓની કરાઇ નિમણૂંક

• વિધાનસભા ચૂંટણી પહેલા AAPએ જાહેર કર્યું ગુજરાત સંગઠનનું બીજું લિસ્ટ
• કુલ 6098 જેટલા પદાધિકારીઓનું વિશાળ સંગઠન AAPએ જાહેર કર્યું
• ધાર્મિક માથુકીયાને બનાવાયા AAPની વિદ્યાર્થી પાંખના પ્રમુખ

ગુજરાત વિધાનસભાની ચૂંટણી પહેલા તમામ રાજકીય પક્ષોએ પોતપોતાની રીતે તડામાર તૈયારીઓ શરૂ કરી દીધી છે. તમામ પક્ષો આગામી ચૂંટણીમાં જીત હાંસલ કરવા પોતપોતાની રીતે રણનીતિ તૈયાર કરી રહ્યું છે. ત્યારે તાજેતરમાં જ આમ આદમી પાર્ટીએ કુલ 6098 જેટલા પદાધિકારીઓનું બીજું સંગઠન જાહેર કર્યું છે. જેમાં ધાર્મિક માથુકીયાને AAPની વિદ્યાર્થી પાંખના પ્રમુખ બનાવાયા છે. જ્યારે ભેમાભાઈ ચૌધરીને પ્રદેશ ઉપાધ્યક્ષ બનાવાયા છે. પ્રદેશ કક્ષાએ 148, લોકસભા કક્ષાએ 53 કાર્યકર્તાઓને મહત્વની જવાબદારી સોંપવામાં આવી છે. જિલ્લા સમિતિમાં 1509 કાર્યકર્તાઓને જવાબદારી સોંપાઈ છે તો વિધાનસભા કક્ષાએ 4488 કાર્યકર્તાઓને જવાબદારી સોંપવામાં આવી છે.

"આજે ફરી ભગવાન જગન્નાથના આશીર્વાદ લઇ ગુજરાતની આગામી વિધાનસભાની ચૂંટણીમાં લડાઈ લડવા માટે લગભગ 6098 જેટલા નવા પદાધિકારીઓની નિમણૂક કરવામાં આવી છે." - @manoj_sorathiya pic.twitter.com/p5WccxOeEi

— AAP Gujarat । Mission2022 (@AAPGujarat) June 30, 2022

આ અંગે ખુદ AAP Gujaratએ ટ્વિટ કરીને જણાવ્યું છે કે, 'આગામી વિધાનસભાની ચૂંટણીમાં લડાઈ લડવા માટે લગભગ 6098 જેટલા નવા પદાધિકારીઓની નિમણૂંક કરવામાં આવી છે.'

pic.twitter.com/UDUwfkamSG

— AAP Gujarat । Mission2022 (@AAPGujarat) June 30, 2022

થોડાંક દિવસો અગાઉ AAPએ પૂરા 800 લોકોનું એક સંગઠન જાહેર કર્યું હતું

ઉલ્લેખનીય છે કે, વિધાનસભા ચૂંટણી પહેલાં ગુજરાત AAPમાં પ્રદેશ પ્રમુખ સિવાયના તમામ હોદ્દેદારોને પદ પરથી હટાવી દેવાયા હતાં. ત્યારે થોડાંક દિવસો અગાઉ AAP ગુજરાતના પ્રભારી સંદિપ પાઠકે ગુજરાત AAPના સંગઠનને લઇને મહત્વની જાહેરાત કરી હતી. જેમાં ઈસુદાન ગઢવીને AAPના નેશનલ જોઈન્ટ જનરલ સેક્રેટરી બનાવવામાં આવ્યા હતા. જ્યારે ઇન્દ્રનિલ રાજ્યગુરુને નેશનલ જોઇન્ટ સેક્રેટરી બનાવવામાં આવ્યા હતા. તો કૈલાશ ગઢવીને આમ આદમી પાર્ટી ગુજરાતના ખજાનચી બનાવાયા હતા. આ સંગઠનની ટીમમાં પૂરા 800 લોકોને સામેલ કરવામાં આવ્યા હતા.

આમ આદમી પાર્ટી ગુજરાત પ્રદેશ લોકસભા સંગઠનના તમામ નવનિયુક્ત પદાધિકારીઓને ખૂબ ખૂબ અભિનંદન! pic.twitter.com/pW4R9Mqfij

— AAP Gujarat । Mission2022 (@AAPGujarat) June 30, 2022

અગાઉ પાર્ટીએ પ્રદેશ પ્રમુખ સિવાય તમામ માળખાને સમાપ્ત કરી દીધું હતું

આ અગાઉ પાર્ટી દ્વારા તમામ મોરચા અને મીડિયા ટીમને વિખેરી નાખવામાં આવી હતી. AAPએ પ્રદેશ પ્રમુખ સિવાય તમામ માળખું સમાપ્ત કરી દીધું હતું. નગરપાલિકા, તાલુકા પંચાયત-જિલ્લા પંચાયત અને પ્રદેશનું જૂનું માળખું સમાપ્ત કરી દેવાયું હતું.