મુંબઇમાં રેકોર્ડ વરસાદ નોંધાયો છે. છેલ્લા બે દિવસથી ચાલી રહેલા વરસાદે જૂન મહીનાનો રેકોર્ડ તોડી નાંખ્યો છે. મુંબઇમાં જૂન મહીનાનો સરેરાશ 97 ટકા વરસાદ નોંધાયો છે. ભારતીય હવામાન વિભાગની ઓબ્ઝર્વેટરીએ મુંબઇના સાંતાક્રુઝમાં સવાર સુધીમાં 234.8 મિલીમીટર વરસાદ નોંધ્યો છે.
એ 2015 બાદ એક દિવસમાં અત્યાર સુધીનો સૌથી વધારે વરસાદ છે. આ પહેલા 2015માં 19 જૂને મુંબઇમાં 283.4 મિલીમીટર વરસાદ નોંધાયો હતો. તે 10 વર્ષમાં એક જ દિવસમાં સૌથી વધારે નોંધાયેલ વરસાદ છે.
અત્યાર સુધીમાં 97 ટકા વરસાદ
હવામાન વિભાગ અનુસાર ઠાણે અને નવી મુંબઇમાં ભારે વરસાદ પડ્યો છે. ઠાણેમાં 237.5 મિલીમીટર અને નવી મુંબઇમાં 245.2 મિલીમીટર વરસાદ નોંધાયો છે. આપને જણાવીએ કે, 204.5 મિલીમીટર અથવા તેનાથી વધારે વરસાદને ભારે વરસાદ કહેવામાં આવે છે. હવામાન વિભાગ અનુસાર શનિવારે જૂનમાં સરેરાશ વરસાદનો 46 ટકા વરસાદ 24 કલાકમાં જ પડ્યો છે. મંગળવારથી અત્યાર સુધીમાં સરેરાશ વરસાદનો 97 ટકા પડી ચૂક્યો છે.
હવામાન વિભાગ અનુસાર મુંબઇમાં કેટલાક ભાગમાં ભારે વરસાદ પડવાની સંભાવના છે. પરંતુ શનિવારની તુલનામાં રવિવારે વરસાદ સામાન્ય રહેશે. સામાન્ય વરસાદ ઉપરાંત તેજ હવા અને વાદળાની પણ સંભાવના છે. તેજ હવાઓને લઇને માછીમારોને સાવચેત કરવામાં આવ્યા છે.
ભારે વરસાદની સંભાવના
રીજનલ ઇન્ડિયા હવામાન વિભાગના નાયબ મહાનિદેશક કેએસ હોસિલકરનું કહેવું છે કે પશ્ચિમી કિનારે ચોમાસુ તીવ્ર છે પરંતુ સક્રિય નથી. તેજ અને ઉંચી પશ્ચિમી હવાઓને કારણે વરસાદ યથાવત છે. દક્ષિણી ગુજરાતની વાત કરીએ તો ત્યાં ચક્રવાતી હવા ચાલી રહી છે. હવામાન વિભાગે સંભાવના દર્શાવી છે કે બંગાળની ખાડી પર ઓછી હવાના પ્રેશરને કારણે 2થી 6 જૂલાઇ વચ્ચે રાજ્યની અંદર વરસાદ પડશે.