મહામારી / મહામારીમાં આ મિત્ર દેશને ભારતની સૌથી વધારે ચિંતા, બીજી વાર મોકલી મોટી મદદ

• રશિયાએ 'સંજીવની'ની બીજી ખેપ ભારત મોકલી
• સ્પુતનિક-વીની બીજી ખેપ હૈદરાબાદ પહોંચી
• ચાલુ મહિનામાં લોકોને મળતી થઈ જશે
• એક ડોઝની કિંમત 995.40 રુપિયા

ચાલુ મહિનામાં જ ખાનગી હોસ્પિટલોમાં સ્પુતનિક-વી ઉપલબ્ધ થઈ જશે. આ વેક્સિનના એક ડોઝની કિંમત 995.40 રુપિયા રાખવામાં આવી છે. 

#WATCH | N Kudashev, Russian Ambassador to India to ANI says, "Efficacy of Sputnik V is well-known in world. In Russia,it's being successfully used to vaccinate citizens starting since 2nd half of 2020. Russian specialists declared it's also effective against new COVID19 strains" pic.twitter.com/TjzNervkbk

— ANI (@ANI) May 16, 2021

સ્પુતનિક-વી કોરોનાના નવા વેરિયન્ટની સામે પણ અસરકારક

ભારતમાં રશિયાના રાજદૂત એન કુદાશેવે જણાવ્યું કે સ્પુતનિક વીની અસરકારકતા દુનિયામાં પ્રખ્યાત છે. તેમણે કહ્યું કે અમારા દેશના નિષ્ણાંતોએ જાહેર કર્યું છે કે આ વેક્સિન કોરોનાના નવા વેરિયન્ટની સામે પણ અસરકારક છે. તેમણે કહ્યું કે સ્પુતનિક વીનું લાઈટ વર્ઝન સિંગલ ડોઝ કોરોના વાયરસનું કામ તમામ કરી નાખશે.

 
ડબલ ડોઝની તુલનામાં લાઈટ વર્ઝન સિંગલ ડોઝ જ વધારે કારગર

રશિયાએ જણાવ્યું કે તેનો ડબલ ડોઝની તુલનામાં લાઈટ વર્ઝન સિંગલ ડોઝ જ વધારે કારગર છે. સ્પુતનિકના આ લાઈટ વર્ઝન સિંગલ ડોઝને રશિયાની સરકારની મંજૂરી મળી ગઈ છે. રશિયન રાજદૂત નિકોલે કુદાશેવે જણાવ્યું કે અમે એ જોઈને અત્યંત ખુશ છીએ કે કોરોનાની સામે રશિયા-ભારતની સંયુક્ત લડાઈ જે આજકાલ અમારા દ્વિપક્ષીય સહયોગના મહત્વપૂર્ણ ક્ષેત્રોમાં એક છે, મજબૂતીથી આગળ વધારી રહ્યાં છીએ.

સ્પુતનિક વેક્સિનની બીજી ખેપ યોગ્ય સમયે ભારત આવી-રશિયન રાજદૂત 

કુદાશેવે જણાવ્યું કે ભારતીય વેક્સિનેશન અભિયાનમાં રશિયન વેક્સિનના લોન્ચ બાદ સ્પુતનિક વેક્સિનની બીજી ખેપ યોગ્ય સમયે આવી પહોંચી છે. કુદાશેવે જણાવ્યું કે આ હકીકતમાં વિશેષ અને વિશેષાધિકાર પ્રાપ્ત રણનીતિક ભાગીદારીનું એક શાનદાર ઉદાહરણ છે અને આંતરરાષ્ટ્રીય મહામારી વિરોધી સહયોગનું એક પ્રભાવી મોડલ છે. ઉલ્લેખનીય છે કે આ પહેલા 1 મે ના દિવસે રશિયાએ સ્પુતનિક વીની પહેલી ખેપ ભારત મોકલી હતી. બીજી વાર મદદ મોકલીને રશિયાએ સાબિત કરી દીધું છે કે તે ભારતનો કદી પણ સાથ નહીં છોડે.