પોર્નોગ્રાફી કેસમાં રાજ કુંદ્પા અને શિલ્પા શેટ્ટીની પરેશાનીઓ એક પછી એક વધતી જ જઈ રહી છે. ત્યારે હવે SEBIએ સકંજો કસ્યો છે. જાણો શું છે મામલો.
રાજ અને શિલ્પાની મુશ્કેલીઓ વધતી જઈ રહી છે
હવે SEBIએ સકંજો કસ્યો છે
વિયાન ઇન્ડસ્ટ્રીજ પર ઇનસાઇડર ટ્રેડિંગ નિયમોના ભંગ કરવા બદલ 3 લાખ રુપિયાનો દંડ ફટકાર્યો
એક્ટ્રેસ શિલ્પા શેટ્ટીના પતિ રાજ કુંદ્રા એટલે કે રિપુ સૂદન કુન્દ્રા પર હવે સેબીએ (સિક્યૂરિટી એન્ડ એક્સચેન્જ બોર્ડ ઓફ ઇન્ડિયા)એ સકંજો કસ્યો છે. સેબીએ રાજની કંપની વિયાન ઈન્ડસ્ટ્રીઝ પર એક્શન લીધો છે. સેબીના પ્રિવેન્શન ઓફ ઈનસાઇડર ટ્રેડિંગના નિયમો હેઠળ આ બંનેની સાથે શિલ્પા શેટ્ટી પર પણ કાર્યવાહી કરવામાં આવી છે. શેર માર્કેટનું રેગ્યુલેશન કરનારી આ કંપનીએ શિલ્પા શેટ્ટી, રાજ કુંદ્રા અને વિયાન ઈન્ડસ્ટ્રીઝ પર કુલ 3 લાખ રૂપિયાની પેનલ્ટી લગાવી છે. સેબીએ ૉઆ પેનલ્ટી ચુકવવા 45 દિવસનો સમય આપ્યો છે. પ્રિફરેન્શયલ અલોટમેન્ટની જાણકારી આપવામાં મોડું કરવાના આરોપમાં આ કાર્યવાહી કરવામાં આવી છે.
SEBI (Securities and Exchange Board of India) imposes a penalty of Rs 3 lakhs on actor Shilpa Shetty, her husband and businessman Raj Kundra, and his company Viaan Industries for violation of its Insider Trading rules.
આ મામલો 2015નો છે. જ્યારે શિલ્પા શેટ્ટી વિયાન કંપનીની માલિક હતી, 2020માં શિલ્પા શેટ્ટીએ કંપનીમાંથી રિઝાઈન કરી દીધું. રાજ અને શિલ્પા પર આરોપ છે કે તેમણે આ કંપનીની ગોપનીય જાણકારી બહાર આપી છે. જેના પર તેમની કંપની વિયાન ઈન્ડસ્ટ્રીઝ લિમિટેડના શેરનાં ભાવમાં હેરફેર કરવાનો આરોપ છે.
મુંબઈ પોલીસની ક્રાઇમ બ્રાન્ચે અશ્લીલ ફિલ્મો બનાવવા અને તેને કેટલીક એપ્સ દ્વારા પ્રસારિત કરવા મામલે 19 જુલાઇની રાતે રાજ કુંદ્રાની ધરપકડ કરી હતી, જે બાદ 23 જુલાઇ સુધી તે પોલીસ કસ્ટડીમાં હતો. મુંબઇ કોર્ટે શુક્રવારે (23 જુલાઈ)એ રાજની પોલીસ કસ્ટડીની અવધિ 27 જુલાઇ સુધી વધારી દીધી હતી. જે બાદ કોર્ટે 27 જુલાઈએ રાજને વધુ 14 દિવસની પોલીસ કસ્ટડીમાં મોકલી દીધો.
પોલીસે આ કેસમાં કથિત પોર્ન વીડિયો મેકર તનવીર હાશ્મી અને તેના આસિસ્ટન્ટ શિખાની ચાર ક્લાક સુધી પૂછપરછ કરી હતી. ક્રાઇમ બ્રાન્ચના સૂત્રો મુજબ, તનવીર હાશ્મી રાજ કુંદ્રાઅને યશ ઠાકુર બંને માટે વીડિયો બનાવતો હતો. આરોપ છે કે, વીડિયો બનાવવનો કોન્ટ્રાક્ટ ગહના વશિષ્ઠ અને ઉમેશ કામત લાવતા હતા અને તે બાદ વીડિયો બનાવવાનું કામ તનવીર હાશ્મીને આપવામાં આવતું હતું અને તે વીડિયો બનાવતો હતો.
તનવીર હાશ્મીએ જણાવ્યું કે, 'મને ક્રાઇમ બ્રાન્ચે પૂછપરછ માટે બોલાવ્યો હતો તેમણે મારી સામાન્ય પૂછપરછ કરી હતી. અમે ક્યારેય પણ પોર્ન વીડિયો નથી બનાવ્યા. મને જેટલી જાણકારી હતી તેનાથી જોડાયેલા સવાલોના જવાબ મેં આપી દીધા. મને કુંદ્રા વિશે પૂછવામાં આવ્યું તો મેં જણાવ્યું કે, હું ક્યારેય તેમને મળ્યો નથી. મારું કામ ફક્ત વીડિયો બનાવીને આપવાનું હતું. તેને પોર્ન ન કહી શકાય. પહેલાં મારી ધરપકડ કરવામાં આવી હતી, પણ મેં કંઈ ખોટું કર્યું નથી તેથી હું હાલમાં જામીન પર બહાર છું. જે આરોપો લાગ્યા છે તેના પર હું વધુ કંઈ કહેવા માંગતો નથી. પોલીસે વધુ તપાસ હાથ ધરી છે.