SCO સમિટ / PM નરેન્દ્ર મોદીએ ઇમરાન ખાન સાથે ન કરી મુલાકાત

SCOની 19મી બેઠકના ઉધ્ધાટન સમારોહમાં દુનિયાના નેતાઓ ઉપસ્થિત રહ્યા હતા. જો કે આ બેઠકમાં સંયોગથી પીએમ નરેન્દ્ર મોદી અને ઇમરાન ખાન હોલમાં એકસાથે પહોંચ્યાં હતા. પરંતુ વડાપ્રધાન નરેન્દ્ર મોદીએ ઇમરાન ખાન સાથે ના હાથ મિલાવ્યો કે ન કોઇ ઔપચારિક વાત કરી.
 

એટલું જ નહીં પીએમ મોદી ઇમરાન ખાન સામે એક નજર પણ કરી નહોતી. પીએમ મોદી સીધા પોતાની બેઠક પર જઇને બેસી ગયા હતા. પાકિસ્તાનના પીએમ ઇમરાનખાનની ખુરશી ખુણામાં હતી. ઇમરાન ખાનની ખુરશી પીએમ મોદીની બેઠકથી પાંચ-છ સીટ છોડીને હતી.
 

પીએમ મોદી વિશ્વના અન્ય નેતાઓના સ્વાગત માટે ઉભા થયા હતા અને તેમની સાથે હાથ મેળવી અભિવાદન પણ કર્યું હતું, પરંતુ ઇમરાન ખાનને સ્પષ્ટ સંદેશ આપ્યો કે કોઇપણ મંચ કેમ ન હોય, જ્યાં સુધી આતંકવાદની ગતિવિધી બંધ નહીં કરવામાં આવે ત્યાં સુધી પાકિસ્તાન સાથે કોઇ વાતચીત શક્ય નથી.

 આ અગાઉ વડાપ્રધાન નરેન્દ્ર મોદી અને ચીનના રાષ્ટ્રપતિ શી જિનપિંગ સાથે દ્વિપક્ષીય વાર્તા અને આતંકવાદનો મુદ્દો ઉઠાવ્યો હતો. પીએમ મોદીએ સ્પષ્ટ કહ્યું છે કે પાકિસ્તાને ભારત સાથે બેઠક શરૂ કરવા માટે આતંકવાદ વિરુધ્ધ કડક કાર્યવાહી કરવાની જરૂરિયાત છે.