ઋતુગત / સિઝનના ડબલ એટેકથી એક નવી ઉપાધી, અમદાવાદમાં ન્યુમોનિયા તો ભાવનગરમાં કોરોના સંક્રમણ વધ્યા

• અમદાવાદમાં ડબલ સીઝનનો અહેસાસ 
• જાન્યુઆરીમાં વધ્યા વાયરલ ઇન્ફેકશન કેસ 
• ભાવનગરમાં પણ બાળકો થયા કોરોના સંક્રમિત 

અમદાવાદમાં ધીમે ધીમે બેવડી ઋતુનો અહેસાસ થઇ રહ્યો છે. રાત્રે ઠંડક અને બપોરે ગરમીનો અહેસાસ થવો શરુ થઇ ગયો છે. આ વચ્ચે  શિયાળાની સિઝનમાં રોગચાળો વકર્યો હોવાના પ્રમાણ મળ્યા છે. અમદાવાદની સોલા સિવીલમાં વાયરલ ઇન્ફેકશનના કેસમાં નોંધપાત્ર વધારો જોવા મળ્યો છે. 

જાન્યુઆરી મહિનામાં જ  3 હજાર વાયરલ ઇન્ફેક્શનના કેસ નોંધાતા, આગામી દિવસો વિષમ હોય શકે છે તેનો વર્તારો મળી રહ્યો છે. નોંધાયેલા ત્રણ હજારથી વધુ કેસમાં અંદાજે  550 બાળકોનો પણ સમાવેશ થાય છે. જાન્યુઆરીમાં 550 બાળકોમાં ન્યુ મોનિયાની અસર જોવા મળી હતી.તો 550 બાળકોમાંથી 47 બાળકો કોરોના સંક્રમિત થયા હતા. 

હવે જ્યારે ફેબ્રુઆરી મહિનો શરુ થયો છે ત્યારે આ મહિનામાં  હજુ કેસ વધવાની શક્યતાઓ જોવાઈ રહી છે. ડબલ ઋતુના કારણે બાળકોમાં વાયરલ ઇન્ફેક્શનનું પ્રમાણ વધ્યું છે 

ભાવનગરમાં કોરોનાની સ્થિતિ 

કોરોના ની ત્રીજી લહર પહેલા સરકારે શાળાઓ ખોલી હતી અને ત્યારે કોરોનાનો ભય બાળકો માટે હતો અને આખરે તેવું જ બન્યું. બાળકો માટે શાળાઓ બંધ થઇ  તેવા સમયે ભાવનગર માં કોરોના ના વધતા જતા કેસો ની સાથે વિધાર્થીઓ પણ કોરોનાથી સંક્રમિત થયા છે. અને હાલ છેલ્લા એક માસ માં કોરોના માં કુલ 121 વિધાર્થીઓ કોરોના સંક્રમિત થયા છે જે ચિંતા નો વિષય છે 

ભાવનગરમાં કોરોનાની ત્રીજી લહેરએ બાળકોને પણ ઝપટમાં લીધા છે.ભાવનગર શહેર માં છેલ્લા એક માસમાં કોરોનાથી 121 જેટલા વિધાર્થીઓ સંક્રમિત થયા છે.અને તેમાં પણ સૌથી વધારે ધોરણ 11 અને 12 ના વિધાર્થીઓ કોરોના ની ઝપટ માં આવ્યા છે ત્યારે સરકાર દ્વારા ધોરણ 1 થી 9 ના ઓફલાઇન વર્ગો બંધ કર્યા પરંતુ 10 થી 12 ના વર્ગો શરૂ છે અને તેમાં પણ 121 વિધાર્થીઓ માં 45 જેટલા વિધાર્થીઓ માત્ર ધોરણ 10 થી 12 ના વિધાર્થીઓ કોરોના સંક્રમિત થયા છે.ત્યારે આરોગ્ય વિભાગ દ્વારા પણ પૂરતી કાળજી લઈ બાળકો માં સંક્રમણ ના ફેલાય તેવા પ્રયાસો હાથ ધરવામાં આવ્યા છે.

 
જો કે હજુ કેસ વધી રહ્યા છે તયારે શિક્ષણ સન્સ્થાઓ ને ફાયદો કરાવવા માટે ફરી એક વખત શાળાઓ  વિચારી રહી છે  જે મુર્ખામી ભર્યું પગલું હશે તેમ કહી શકાય જો કે તબીબો માની રહ્યા છે કે બાળકો એક બીજાને મળતા હોવાથી તેમનામાં કોરોનાના કેસ વધુ જોવામળે છે