ગુજરાતમાં રેકોર્ડ બ્રેક 121 ટકા વરસાદ નોંધાયો છે. ચોમાસુ સારુ જવાને કારણે રાજ્યભરમાં વર્ષ સારૂ રહેશે, તેવી આશા સેવાઈ રહી છે વળી ચોમાસામાં પડેલું પાણી ઉનાળામાં પડતી તંગીને સરભર કરી દેશે.
ગુજરાતમાં સરેરાશ 40 ઇંચ વરસાદ
રાજ્યમાં 78 તાલુકામાં 50થી 150 ઇંચ જેટલો વરસાદ
149 તાલુકામાં 20થી 40 ઇંચ સુધીનો વરસાદ
મેઘાએ ગુજરાત ઉપર આ વર્ષે મહેર કરી છે. આ વખતે સિઝનનો 121 ટકા વરસાદ થયો છે. વલસાડના કપરાડામાં 150 ઇંચ જેટલો વરસાદ થયો છે જે હાઈએસ્ટ છે. વરસાદથી પાણીની આવકને કારણે નદી, નાળા, સરોવર અને ડેમ છલકાઈ ગયા છે. કચ્છમાં ભારે વરસાદને લીધે હવે માઈગ્રેશન નહી કરવું પડે.
સૌથી વધુ વરસાદ વલસાડના કપાડામાં
ગુજરાતમાં સરેરાશ 40 ઈંચ વરસાદ નોંધાયો છે. રાજ્યમાં 78 તાલુકાઓમાં 50થી 150 ઈંચ જેટલો વરસાદ પડ્યો છે. 149 તાલુકાઓમાં 20થી 40 ઈંચ સુધીનો વરસાદ વરસ્યો છે. સૌથી વધુ વરસાદ વલસાડના કપરાડામાં નોંધાયો છે.
કયા જિલ્લામાં કેટલો વરસાદ
અમદાવાદમાં સિઝનનો 92 ટકા વરસાદ નોંધાયો છે
ભરૂચ, નર્મદા, તાપી, સુરતમાં 130 ટકાથી વધારે વરસાદ નોંધાયો હતો
વલસાડ, નવસારી, ડાંગ, કચ્છમાં 120 ટકાથી વધારે વરસાદ પડ્યો છે
મહેસામામાં 83 ટકા સાથે સૌથી ઓછો વરસાદ થયો હતો.
બનાસકાંઠામાં 86 ટકા જેટલા ઓછા વરસાદ થયો છે.