સુપરપાવર અમેરિકામાં સત્તા માટે કેવા સંઘર્ષ થઈ રહ્યા છે તે આખા વિશ્વએ જોયું ત્યાં હવે ટ્રમ્પની મુશ્કેલીમાં વધારો થઈ રહ્યો છે. ટ્રમ્પને બીજા દેશમાં પણ એન્ટ્રી ન મળે તે માટે માંગ કરવામાં આવી રહી છે.
અમેરિકાની સંસદમાં હંગામાની વિશ્વએ કરી નિંદા
ટ્રમ્પને યુકેમાં એન્ટ્રી ન આપવા માંગ શરૂ
ટ્રમ્પ સ્કૉટલેન્ડ જશે તેવી ચર્ચાઓએ જોર પકડયું
યુનાઈટેડ કિંગડમમાં ઘૂસવા ન દેવા જોઈએ : હમજા યુસુફ
અમેરિકાની રાજધાની વૉશિંગ્ટનમાં શરમજનક હંગામાં બાદ સ્કૉટલેન્ડના કાયદામંદિર હમજા યુસુફે યુકેમાં ડોનાલ્ડ ટ્રમ્પની એન્ટ્રી બેન કરી દેવાની માનગ કરી છે. તેમણે બ્રિટનના ગૃહમંત્રી પ્રીતિ પટેલને કહ્યું કે એક વાર ટ્રમ્પને પદ પરથી હટાવી દેવામાં આવે પછી તેમને યુનાઈટેડ કિંગડમમાં ઘૂસવા ન દેવા જોઈએ.
વિશ્વના અનેક દેશોએ કરી નિંદા
હમજા યુસુફે કહ્યું કે એકવાર ટ્રમ્પ પોતાની ઓફિસ છોડી છે પછી તે યુકે આવવા માંગે તો તેમને એન્ટ્રી ન આપવા પર ગંભીરતાથી વિચાર કરવો જોઈએ. જો બ્રિટન આવનાર વ્યક્તિની હાજરી સામાન્ય લોકોના હિતમાં નથી તો ગૃહમંત્રી પાસે આવા અધિકાર છે. ટ્રમ્પ સતત ભેદભાવને વધારો આપી રહ્યા છે અને હવે તો તેમણે હિંસક ભીડને ઉશ્કેરી છે.
સ્કૉટલેન્ડ જશે ટ્રમ્પ ?
નોંધનીય છે કે આ પહેલા જ એવા અહેવાલ સામે આવ્યા હતા કે ટ્રમ્પ રાષ્ટ્રપતિ પદ પરથી હટે પછી અમેરિકાથી સ્કૉટલેન્ડ આવશે. જોકે તેના પર કોઇ જ આધિકારિક નિવેદન સામે આવ્યું ન હતું. સ્કૉટલેન્ડમાં સરકારની આગેવાન નિકોલાએ એમ કહ્યું હતું કે ગોલ્ફ રમવા અમારા દેશમાં આવવાને હું કોઇ જ ગંભીર સાથે જોડીને જોતી નથી. માનવામાં આવી રહ્યું છે કે સ્કૉટલેન્ડની સરકારની ઈચ્છા છે કે ટ્રમ્પને સ્કૉટલેન્ડ આવવાથી રોકવામાં આવે.
નોંધનીય છે કે વૉશિંગ્ટનમાં થયેલ ઘટનાને બ્રિટિશ ગૃહમંત્રી પ્રીતિ પટેલે પણ ટીકા કરી હતી. તેમણે કહ્યું હતું કે વૉશિંગ્ટનમાં આલોકતાંત્રિક દ્રશ્યો સામે આવી રહ્યા છે ને આ હિંસા પર કોઇ જ સ્પષ્ટીકરણ આપી શકતું નથી અને ટ્રમ્પે તુરત જ હિંસાની નિંદા કરવી જોઈએ.
શું હતી ઘટના
નોંધનીય છે કે ગઈકાલે જ્યારે અમેરિકાની સંસદમાં બાઈડેનને રાષ્ટ્રપતિ ચૂંટણીના વિજેતા જાહેર કરવા માટેની પ્રક્રિયા ચાલી રહી હતી ત્યારે ડોનાલ્ડ ટ્રમ્પના સમર્થકો સંસદ પરિસરમાં ઘૂસી આવ્યા હતા. અમેરિકામાં આવી અફરાતફરી પહેલીવાર જોવા મળી જ્યાં સત્તાના સંઘર્ષમાં સુપરપાવરની સંસદને પ્રદર્શનકારીઓએ થોડા સમય માટે બંધક બનાવી લીધી હતી. પોલીસ અને લોકો વચ્ચે હિંસક ઝડપ થઈ અને ચાર લોકોના મોત થયા. આ ઘટના બાદ બધા જ આરોપ સીધા જ ટ્રમ્પ પર લાગી રહ્યા છે કે ટ્રમ્પે જ ભીડને ઉશ્કેરી હતી. જોકે હવે ટ્રમ્પ રાષ્ટ્રપતિ પદથી હટી જાય પછી શું કરશે તેને લઈને અહેવાલો સામે આવી રહ્યા છે.