કિર્ગિસ્તાનની રાજધાની બિશ્કેકમાં આયોજીત SCO સમિટને વડાપ્રધાન નરેન્દ્ર મોદી સંબોધન કરશે. સમિટના બીજા દિવસે ફોટો સેશનમાં પીએમ મોદીએ ઇમરાન ખાનથી દૂર જોવા મળ્યા હતા.
વડાપ્રધાન નરેન્દ્ર મોદીએ પોતાની વિદેશ નીતિ પર કામ શરૂ કરી દીધું છે. વડાપ્રધાન આ હેઠળ ગુરૂવારે કિર્ગિસ્તાનના બિશ્કેક પહોંચ્યા હતા. જ્યાં શંઘાઇ કોર્પોરેશન ઓર્ગેનાઇઝન (SCO) સમિટ યોજાઇ રહી છે. જેમાં ઘણા બધા દેશોના પ્રમુખ ઉપસ્થિત રહ્યાં છે.
જેમાં વડાપ્રધાન નરેન્દ્ર મોદીએ પહેલા દિવસે ચીન, રશિયા સહિત પ્રમુખ દેશોના નેતાઓ સાથે મુલાકાત કરી અને પાકિસ્તાન સાથે મુલાકાત કરી નહોતી. પીએમ મોદીએ ઇમરાન ખાન સાથે ના હાથ મેળવ્યો કે ન વાતચીત કરી. આજે SCOના બીજા દિવસે પીએમ મોદી ઘણા નેતાઓ સાતે મળશે અને દ્વિપક્ષીય બેઠક કરશે.
SCOના બીજા દેવિસ પણ પહેલા દિવસની જેમ ઇમરાન ખાન અને નરેન્દ્ર મોદી વચ્ચે દુરી જોવા મળી. આજરોજ યોજાયેલ SCO સમિટના ફોટો સેશનમાં ઇમરાન ખાન અને પીએમ મોદી અલગ-અલગ જોવા મળ્યાં. SCOના બીજા દિવસે વડાપ્રધાન નરેન્દ્ર મોદી કઝાકિસ્તાનના પ્રમુખ બેલારૂસ, મંગોલિયાના રાષ્ટ્રપતિ સાથે મુલાકાત કરશે. એટલું જ નહી પીએમ મોદી ઇરાનના રાષ્ટ્રપતિડો. હસન રૂહાની સાથે બેઠક કરશે.