ભારે કરી! / વૈજ્ઞાનિકો હવે એલિયન્સને મોકલશે મેસેજ, નાસાની તૈયારી જોઈને દુનિયા આખી ચોંકી

• એલિયન્સને તેમની જ ભાષામાં મોકલાશે સંદેશ 
• નાસાનાં વૈજ્ઞાનિકોની તૈયારી 
• એલિયન્સ તરફથી સંદેશ મળ્યા હોવાનો દાવો 

એલિયન્સને તેમની જ ભાષામાં મોકલાશે સંદેશ 

દરેક વ્યક્તિનાં મનમાં એક સવાલ તો હોય જ છે કે શું પૃથ્વી સિવાય પણ ક્યાંય બીજે જીવન છે? ઘણા અંતરીક્ષ અભિયાનો છતાં પણ આપણા વૈજ્ઞાનિકો અત્યાર સુધી ધરતીની બહાર જીવન નથી શોધી શક્યા. તમે પણ અમેરિકા અને પશ્ચિમી દેશોમાં UFO અને એલિયન્સ પર રિસર્ચનાં સમાચારો વાંચ્યા હશે. જોકે તેમના વિષેની હકીકત કોઈ જાણતું નથી. આ દરમિયાન, નાસાનાં વૈજ્ઞાનિકોએ એલિયન્સ અને તેમના અસ્તિત્વ વિષે અમુક સવાલોનાં જવાબ આપવાની કોશિશ કરી છે. વૈજ્ઞાનિકોએ પ્લાન બનાવ્યો હતો કે તેઓ એલિયન્સને તેમની ભાષામાં સંદેશ મોકલશે. 

એલિયન્સ સાથે થશે વાતચીત 
આ પ્લાન પર નાસાનાં વૈજ્ઞાનિકો કામ કરી રહ્યા છે. કેલિફોર્નીયામાં નાસાની જેટ પ્રોપલ્શન લેબોરેટરીમાં ડૉ. જોનાથનની અધ્યક્ષતામાં વૈજ્ઞાનિકો આ મિશન પર કામ કરી રહ્યા છે. એક રિપોર્ટ અનુસાર, નાસાનાં વૈજ્ઞાનિકો એક ખાસ બાઈનરી સંદેશને પ્રસારિત કરવાની તૈયારી કરી રહ્યા છે. આ એક પ્રકારનો રેડિયો સિગ્નલ હશે, જેનાં માધ્યમથી એ કોશિશ કરવામાં આવશે કે એલિયન્સ સાથે વાતચીત થઇ શકે. આને એલિયન્સ ની ભાષામાં જ ડીકોડ કરવામાં આવશે. નાસાનાં વૈજ્ઞાનિકો એલિયન્સને ધરતીનું લોકેશન અને અમુક ડીએનએ સેમ્પલ મોકલવા માંગતા હતા. આ સંદેશ રેડિયો સિગ્નલ્સનાં માધ્યમથી મોકલવામાં આવશે. 

પહેલા પણ કરવામાં આવી હતી આવી કોશિશ 
જોકે રિપોર્ટમાં અમુક વૈજ્ઞાનિકોએ જણાવ્યું છે કે આ પ્લાન એ પ્રક્રિયાનો ભાગ છે, જેમાં એ દાવો કરવામાં આવ્યો હતો કે એલિયન્સની દુનિયામાંથી ધરતી પર અમુક સંદેશ મોકલાયા હતા. આ વિષે કહેવાઈ રહ્યું છે કે એલિયન્સનો સંદેશ ધરતી પર બે વર્ષો પહેલા આવ્યો હતો. તે સમયે ધરતી પર હાજર રેડિયો ટેલીસ્કોપે રેડિયો કિરણોની તીવ્ર લહેરોને દાખલ કર્યા હતા. જોકે આ આ અમુક મિલિસેકન્ડ્સ માટે જ આવ્યા હતા, જે અચાનક ગાયબ થઇ ગયા હતા. પરંતુ આ રેડિયો કિરણો વિષે જાણ થવી એક મહત્વપૂર્ણ ખોજ માનવામાં આવે છે. પહેલા ધરતીથી આટલું નજીક ફાસ્ટ રેડિયો બર્સ્ટ વિષે જાણ થઇ હતી. આ વિષે જણાવવામાં આવ્યું હતું કે સંદેશ એલિયન્સ તરફથી જ મળ્યા છે. આ સિગ્નલોમાં આવી રહેલા સંદેશાઓને પછી સમજવાની કોશિશ કરવામાં આવી હતી. હવે આ જ પ્રકારે પાછા સંદેશ મોકલવામાં આવશે. હાલમાં એ જાણવું દિલચસ્પ રહેશે કે વૈજ્ઞાનિકો આ પ્રયોગમાં સફળતા મેળવી શકે છે કે નહીં.