વૈજ્ઞાનિકોનું કહેવું છે કે Testiclesની સમસ્યાથી પીડાતા બાળકો શારિરીક, માનસિક અને ભાવનાત્મક સમસ્યાનો સામનો કરે છે અને પ્રજનન યોગ્ય પણ રહેતા નથી.
બાળકોમાં વધી રહી છે Testiclesની સમસ્યા
પ્રદૂષણના કારણે વધી રહી છે આ સમસ્યા
શારિરીક અને માનસિક વિકાસ પર થઈ રહી છે અસર
આજે આખી દુનિયાને માટે પ્રદૂષણ સૌથી મોટી સમસ્યાના રૂપમાં સામે આવી રહ્યું છે. પ્રદૂષણના કારણે ગ્લોબલ વોર્મિંગ પણ વધી રહ્યું છે અને દુનિયા પર ખતરો વધી રહ્યો છે. એવામાં આ વિષય પર તમામ રિપોર્ટ સામે આવી રહ્યા છે. ફ્રાન્સના વૈજ્ઞાનિકોના એક રિપોર્ટે લોકોને ચિંતામાં મૂક્યા છે કેમકે પર્યાવરણના કારણે બાળકોમાં Testiclesની જગ્યા બદલાવવાની સ્થિતિ જોવા મળી રહી છે જે ચિંતાજનક છે.
પ્રદૂષણની સાઈડ ઈફેક્ટ
મળતી માહિતી અનુસાર ઓક્સફર્ડની એકેડમિકની વેબસાઈટ પર હ્યુમન રી પ્રોડક્શન સેક્શનમાં એક રિપોર્ટ જાહેર કરાયો છે. જેમાં જે વિસ્તારોમાં પ્રદૂષણની સમસ્યા છે ખાસ કરીને કોલ માઈનિંગ અને ધાતુના ઉત્ખનનના ક્ષેત્રોમાં અહીં મોટી સંખ્યામાં એલા બાળકો જન્મ્યા છે જેમના અંડકોષ યોગ્ય સ્થાને નથી.
શું કહે છે ડોક્ટર્સ
ડોક્ટર્સનું માનવું છે કે તેને ક્રિપ્ટોર્ચિડિઝમ કહે છે. તેના 80 ટકા કેસમાં તો બાળકોના જન્મના 4-6 મહિનામાં તે જાતે જ સાજા થાય છે પણ અન્ય બાળકોને માટે આગળનું જીવન મુશ્કેલ બને છે. કેમકે એવા અનેક બાળકો પોતાના જીવનમાં આવનારા પ્રજનન સમયમાં યોગ્ય રહેતા નથી એટલે કે આ સમસ્યાથી સામાન્ય જીવનમાં થોડી તકલીફો રહી શકે છે.
12 વર્ષમાં આવ્યા છે 90 હજાર જેટલા કેસ
છેલ્લા 30 વર્ષથી આ મુદ્દે રિસર્ચ ચાલી રહ્યું છે જેમાં 2002થી 14ની વચ્ચે લગભગ 89382 કેસ સામે આવ્યા છે. આ બાળકોના અંડકોષ યોગ્ય જગ્યાએ જોવા મળ્યા નથી. એટલે કે તે શરીરની અંદર હતા પણ થોડા સમય બાદ બહારની તરફ આવ્યા. તેમાં 20 ટકા બાળકો એવા હતા જે આગળ જઈને પ્રજનન ક્ષમતાને પણ પૂર્ણ કરી શક્યા નથી.
વધી રહી છે માનસિક- ભાવનાત્મક સમસ્યાઓ
વૈજ્ઞાનિકોએ રિપોર્ટમાં કહ્યું છે કે આ સમસ્યાથી લડી રહેલા બાળકો આગળ જઈને શારિરીક, માનસિક અને ભાવનાત્મક સમસ્યાઓથી લડી રહ્યા છે.તેઓ પ્રજનન યોગ્ય નથી. એટલું જ નહીં અંડકોષોના યોગ્ય જગ્યા પર ન હોવાથી તેમાં ટેસ્ટેરોન કેન્સરની સમસ્યા વધારે જોવા મળે છે.