મહામારી / વૈજ્ઞાનિકોની ચેતવણી-મોટી સમસ્યા પેદા કરી શકે છે આ નવો વેરિયન્ટ, જરુર જાણો ચાર બાબતો

• સમગ્ર વિશ્વમાં કોરોનાના કેસમાં ચિંતાજનક ઉછાળો
• મુંબઈમાં ઓમિક્રોનના પેટા વેરિયન્ટ એક્સઈનો કેસ નોંધાયો હોવાનો બીએમસીનો દાવો
• ઓમિક્રોનના સબ-વેરિઅન્ટ બીએ.2ને કારણે ભારતમાં નોંધાઈ રહ્યાં છે કોરોના કેસ

વિશ્વના ઘણા દેશોમાં ફરી એકવાર કોરોના વાયરસના ચેપના કેસોમાં વધારો નોંધાઈ રહ્યો છે. ચીન અને ખાસ કરીને યુરોપના ઘણા ભાગોમાં દૈનિક કેસોમાં તીવ્ર ઉછાળો જોવા મળી રહ્યો છે. આરોગ્ય નિષ્ણાતોના જણાવ્યા અનુસાર, આ દેશોમાં મોટાભાગના કેસો ઓમિક્રોનના સબ-વેરિઅન્ટ બીએ.2 (સ્ટીલ્થ ઓમિક્રોન) ને કારણે નોંધાઈ રહ્યા છે, જે ઓમિક્રોનના મૂળ પ્રકાર કરતા વધુ ચેપી માનવામાં આવે છે. દરમિયાન, વિશ્વ આરોગ્ય સંસ્થા (ડબ્લ્યુએચઓ) ના વૈજ્ઞાનિકોએ તેમના તાજેતરના અહેવાલમાં લોકોને કોરોનાનો નવો ઉભરતો ખતરો, એક્સઇ વેરિઅન્ટ વિશે ચેતવણી આપી છે. પ્રાથમિક અભ્યાસમાં, તેને અત્યાર સુધીનો સૌથી ચેપી કોરોના વેરિઅન્ટ માનવામાં આવી રહ્યો છે.

સ્ટીલ્થ ઓમિક્રોન કરતા પણ 10 ગણા વધુ ચેપી

ડબ્લ્યુએચઓએ તેના અહેવાલમાં અહેવાલ આપ્યો છે કે યુકેના ઘણા ભાગોમાં આ અત્યંત ચેપી વેરિએન્ટના કેસ નોંધાયા છે. પ્રારંભિક સંકેતો સૂચવે છે કે તે સ્ટીલ્થ ઓમિક્રોન કરતા પણ 10 ગણા વધુ ચેપી હોઈ શકે છે. કોરોનાને લઈને તમામ દેશોએ ખાસ સાવધાની રાખવાની જરૂર છે. 

કેટલું ખતરનાક છે બે વેરિયન્ટનું સંયોજન
શરુઆતની શોધમાં એક્સઈ વેરિયન્ટ વધારે ચેપી હોવાનું જણાવાઈ રહ્યું છે પરંતુ વૈજ્ઞાનિકોના જણાવ્યાનુસાર બે વેરિયન્ટનું સંયોજન ચિંતાની વાત નથી. 

ચિંતાજનક વેરિયન્ટ તરીકે વર્ગીકૃત 
ડબલ્યુએચઓએ તેના રિપોર્ટમાં એક્સઈ વેરિયન્ટને ચિંતાજનક વેરિયન્ટની કેટેગરીમાં મૂક્યો છે. 

શું ઘણી વધારે હોય છે તેની સંક્રમકતા
એક્સઈ વેરિયન્ટ પર ડોક્ટર સુસાન હોપકિંસ કહે છે કે આ નવા વેરિયન્ટનો ગ્રોથ રેટ અપેક્ષાકૃત ઘણો વધારે છે અને પરંતુ તે કેટલો ઝડપથી ફેલાય છે તે તો ત્યારે કહી શકાય કે જ્યારે તેની પરના શોધના પરિણામો સામે આવે. 

વેક્સિન આપશે સુરક્ષા
વૈજ્ઞાનિકોએ કહ્યું કે વેક્સિન કોરોનાના તમામ પ્રકારના વેરિયન્ટની સામે રક્ષણ આપવા સક્ષમ છે. વેરિઅન્ટની પ્રકૃતિને જોતા વૈજ્ઞાનિકો રસીકરણ પર ભાર મૂકવાની સલાહ આપી રહ્યા છે. સંશોધકોનું કહેવું છે કે આ વેરિએન્ટના સંક્રમણ સામે રક્ષણ આપવા અને તેના ફેલાવાને રોકવામાં રસીકરણ એક મોટું હથિયાર સાબિત થઈ શકે છે. રસીકરણ અભિયાનને વેગ આપીને તેના ફેલાવાને નિયંત્રિત કરી શકાય છે.