વૈજ્ઞાનિકોનો ફિનલેન્ડમાં ફિન-796 એચ નામનો કોરોનાનો નવો સ્ટ્રેન મળ્યો છે અને તેના કારણે ફરીથી ચિંતા વધી છે.
ફિનલેન્ડમાં મળ્યો કોરોનાનો નવો સ્ટ્રેન
અસ્થાયી નામ ફિન -796 એચ રખાયું
દક્ષિણ આફ્રિકી સ્ટ્રેનનું મ્યુટેશન હોવાનું અનુમાન
ચીનથી 2019ના અંતમાં આવેલો અને આખી દુનિયામાં ફેલાયેલા કોરોના વાયરસે 2020ના વર્ષમાં દુનિયામાં મહામારી ફેલાવી છે. આ વાયરસના હવે અનેક નીતનવા રૂપ સામે આવી રહ્યા છે જેના કારણે ફરી એકવાર દુનિયામાં કોરોના વાયરસને લઈને ચિંતા વધી રહી છે.
ફિનલેન્ડના નવા સ્ટ્રેનને અપાયું આ નામ
ફિનલેન્ડમાં કોરોનાના નવા સ્ટ્રેનનું અસ્થાયી નામ ફિન -796 એચ રાખવામાં આવ્યું છે. અત્યાર સુધી આ નવા સ્ટ્રેનનો ફક્ત એક જ કેસ આવ્યો છે. ફિનલેન્ડના વિશેષજ્ઞોએ જે વેરિઅન્ટની શોધ કરી છે તે તેને દક્ષિણ આફ્રિકી સ્ટ્રેનનું મ્યુટેશન માની રહ્યા છે. તેઓએ કહ્યું છે કે આ વેરિઅન્ટથી ગભરાવવાની કોઈ જરૂર નથી.
યૂકે બાદ અહીં પણ વધારી ચિંતા
યૂકેમાં સૌથી પહેલાં વધારે સંક્રામક સ્ટ્રેન આવતા લોકોની ચિંતા વધી હતી. દ. આફ્રિકા અને બ્રાઝિલમાં પણ કોરોનાનો નવો સ્ટ્રેન પગ પેસારો કરી રહ્યો છે. આ સમયે વૈજ્ઞાનિકોને એક નવો સ્ટ્રેન મળ્યો છે જે ફિનલેન્ડમાં જોવા મળ્યો છે. તે દ.આફ્રિકાના સ્ટ્રેનનું મ્યુટેશન માનવામાં આવી રહ્યો છે. આ સ્ટ્રેન વેક્સીનના પ્રભાવને પણ ઘટાડી રહ્યો છે.
નવું વેરિઅન્ટ કેન્ટ અને દ.આફ્રિકાના સ્ટ્રેનનું મ્યુટેશન
કોરોનાના નવા સ્ટ્રેનના શોધકર્તાનું કહેવું છે કે આ નવા વેરિઅન્ટમાં કેન્ટ સ્ટ્રેન અને દ. આફ્રિકાના સ્ટ્રેનના મ્યુટેશન જોવા મળ્યા છે. તેઓએ કહ્યું કે કઈ રીતે આ મ્યુટેશન થયું છે તે ખબર પડી નથી પણ તેના ફેરફારોને જાણી શકાયા છે અને નવા સ્ટ્રેનને વધારે સંક્રામક કે પ્રતિરક્ષા પ્રતિરોધી બનાવે છે.
લોકોએ ગભરાવવાની જરૂર નથી
બ્રિટિશ વૈજ્ઞાનિકોનું કહેવું છે કે આ સ્ટ્રેનથી ગભરાવવાની જરૂર નથી. હાલમાં ચિંતા કરવા જેવા ખાસ કારણો સામે આવ્યા નથી. હા કેન્ટ સ્ટ્રેન 70 ટકા વધુ ખતરનાક છે. નવા સ્ટ્રેનની અપેક્ષાએ કેન્ટ વેરિઅન્ટ 30-70 ટકા ઘાતક રહે છે.