વિજ્ઞાન / દુનિયાની હવે વાટ લાગી જવાની ! ફ્રાન્સના વૈજ્ઞાનિકોએ 'સુતેલા રાક્ષસ'ને જગાડ્યો, કર્યું ભારે ખોટું કામ

• ફ્રાન્સના વૈજ્ઞાનિકોનું કામ
• રશિયાના સરોવરમાં જીવતો કર્યો ઝોમ્બી વાયરસ
• 48,000 વર્ષ જુનો છે વાયરસ 
• દુનિયામાં  મચાવી શકે તબાહી
• રિસર્ચ માટે વાયરસને જીવતો કર્યો 

માંડ દુનિયાને શાંત મળી છે ત્યાં વળી પાછા ફ્રાન્સના વૈજ્ઞાનિકના એક કામથી દુનિયામાં નવી ચિંતા પેઠી છે. હકીકતમાં ફ્રાન્સના વૈજ્ઞાનિકોએ રશિયાના સાઈબેરિયા પ્રાંતમાં બરફમાં કરોડો વર્ષોથી દટાયેલા પડેલા એક ખતરનાક વાયરસને જીવતો કરી દીધો છે જોકે વૈજ્ઞાનિકોએ રિસર્ચ માટે આવું કર્યું છે પરંતુ તેનાથી દુનિયા પરનો ખતરો નકારી ન શકાય. 

વૈજ્ઞાનિકોએ 48,000 વર્ષ પહેલાના વાયરસને જીવતો કર્યો 

દુનિયામાં હાલના ઘણા પ્રકારના વાયરસ તબાહી મચાવી રહ્યાં છે અને તેને કારણે ઘણી બીમારી પણ ફેલાઈ છે તેવે ટાણે ફ્રાન્સના વૈજ્ઞાનિકોએ કરેલું એક કામ ચર્ચાસ્પદ બન્યું છે. હકીકતમાં ફ્રાન્સના વૈજ્ઞાનિકોએ રશિયાના સરોવરમાં છુપાયેલા 48,000 વર્ષ પહેલાના વાયરસને જીવતો કરી નાખ્યો છે. 

રશિયામાં થીજી ગયેલા તળાવની નીચે દટાયેલો હતો વાયરસ 
ફ્રાંસના વૈજ્ઞાનિકોએ અત્યાર સુધી રશિયાના થીજી ગયેલા તળાવની નીચે દટાયેલા 48,500 વર્ષ જૂના ઝોમ્બી વાયરસને ફરી જીવતો કર્યો છે.  ફ્રેન્ચ વૈજ્ઞાનિકોએ ઝોમ્બી વાયરસને પુનર્જીવિત કર્યા પછી વધુ એક રોગચાળાની આશંકા વ્યક્ત કરી છે. રિસર્સમાં એવું જણાવાયું છે કે પ્રાચીન અજ્ઞાત વાયરસના જીવિત થવાને કારણે  વનસ્પતિ, પ્રાણી અથવા માનવ રોગોના કિસ્સામાં પરિસ્થિતિ વધુ વિનાશક હશે.

30,000 વર્ષ જુના વાયરસનો રેકોર્ડ તૂટ્યો 

સંશોધકોએ લખ્યું છે કે, આ કાર્બનિક પદાર્થના એક ભાગમાં પુનર્જીવિત કોષીય સૂક્ષ્મજીવાણુઓ (પ્રોકેરીયોટ્સ, એકસેલ્યુલર યુકેરીયોટ્સ) તેમજ વાયરસનો પણ સમાવેશ થાય છે જે પ્રાગૈતિહાસિક સમયથી સુષુપ્ત રહ્યા હતા.  વૈજ્ઞાનિકોએ, સાઇબેરિયન પર્માફ્રોસ્ટમાંથી ઝોમ્બી વાયરસને પુનર્જીવિત કર્યાં છે. 48,000 વર્ષ જુના વાયરસના જીવંત થતાની સાથે જ વૈજ્ઞાનિકોએ 2013માં સાઈબેરિયામાં ઓળખેલા 30,000 વર્ષ જુના વાયરસનો રેકોર્ડ તૂટી ગયો છે. 

ઝોમ્બી વાયરસ ચેપી હોવાની સંભાવના 
વૈજ્ઞાનિકોએ શોધી કાઢ્યું હતું કે તમામ ઝોમ્બી વાયરસ ચેપી હોવાની સંભાવના ધરાવે છે અને તેનાથી વૈશ્વિક મહામારી ફેલાઈ શકે છે. 

શા  માટે જીવંત કર્યો
જે વાયરસ વૈશ્વિક મહામારી કે રોગચાળાને નોંતરી શકે તેવા વાયરસને જીવંત કરવાની શું જરુર તે સવાલ છેડાઈ રહ્યો છે અને ખુદ વૈજ્ઞાનિકોએ પણ કહી રહ્યાં છે કે ઝોમ્બી વાયરસને કારણે દુનિયામાં રોગચાળો ફેલાઈ શકે છે.