OMG / વૈજ્ઞાનિકોએ મહિલાઓના પ્રાઇવેટ પાર્ટ માટે બનાવી ખાસ ચિપ! જાણો કેમ કહેવાઈ રહી છે ગેમચેન્જર

• વિજ્ઞાનની  દુનિયામાં દરરોજ આશ્ચર્યજનક કાર્ય થઈ રહ્યું છે
• લોકો આ ચમત્કારથી આશ્રર્યચકિત થઈ જાય છે
• વૈજ્ઞાનિકોએ ફરીથી દુનિયાની પહેલી વજાઈના ચિપ બનાવીને લોકોને ચોંકાવી દીધા

 વિજ્ઞાનની  દુનિયામાં દરરોજ આશ્ચર્યજનક કાર્ય થઈ રહ્યું છે. લોકો આ ચમત્કારથી આશ્રર્યચકિત થઈ જાય છે. હવે વૈજ્ઞાનિકોએ ફરીથી દુનિયાની પહેલી વજાઈના ચિપ બનાવીને લોકોને ચોંકાવી દીધા છે. આ નાના ઉપકરણમાં યોનિની અંદર જોવા મળતા સેલ્યુલર વાતાવરણની નકલ કરવામાં આવી છે. આ અજાયબી હાર્વર્ડ યુનિવર્સિટીની વાઈસ ઈન્સ્ટિટ્યૂટના વૈજ્ઞાનિકોએ કરી છે. તેઓએ યોનિમાર્ગની અંદર વિવિધ સૂક્ષ્મ જીવો, રોગો અને સંભવિત દવાઓ પર વધુ સંશોધન કરવા માટે તેને બનાવ્યું છે.

લાઈવ સાયન્સના અહેવાલ મુજબ, 26 નવેમ્બરે જર્નલ માઇક્રોબાયોમમાં પ્રકાશિત થયેલા એક સંશોધન પેપરમાં વૈજ્ઞાનિકોએ કહ્યું કે આ ચિપ દ્વારા, સંશોધકો અભ્યાસ કરી શકે છે કે વિવિધ સૂક્ષ્મજીવાણુઓ યોનિને કેવી રીતે અસર કરે છે.

વૈજ્ઞાનિકોએ એમ પણ કહ્યું કે આ ચિપ દ્વારા સંશોધકો એ પણ જાણી શકશે કે કેવી રીતે અલગ-અલગ દવાઓ અને પ્રોબાયોટિક્સ યોનિની અંદરના વાતાવરણની રચનામાં ફેરફાર કરે છે. સંશોધકો એ પણ શોધી શકે છે કે યોનિની અંદર રહેલા વિવિધ જીવાણુઓનો સમુદાય તેના વાતાવરણને કેવી રીતે અસર કરે છે. 

આ સંશોધનના પ્રથમ લેખક, ગૌતમ મહાજન, હાર્વર્ડ યુનિવર્સિટીની Wyss ઇન્સ્ટિટ્યૂટ ફોર બાયોલોજિકલી ઇન્સ્પાયર્ડ એન્જિનિયરિંગના ભૂતપૂર્વ સંશોધક છે. તેમણે એક નિવેદનમાં કહ્યું કે યોનિની અંદરનું વાતાવરણ મહિલાના સ્વાસ્થ્ય અને રોગને નિયંત્રિત કરવામાં મહત્વપૂર્ણ ભૂમિકા ભજવે છે. આ સાથે, તે પ્રિનેટલ હેલ્થ પર પણ મોટી અસર કરે છે. 

મહાજને જણાવ્યું હતું કે અમારી માનવ યોનિ ચિપ હોસ્ટ-માઈક્રોબાયોમ ક્રિયાપ્રતિક્રિયાઓનો અભ્યાસ કરવા અને સંભવિત પ્રોબાયોટિક ઉપચારના વિકાસને વેગ આપવા માટે આકર્ષક ઉકેલ પૂરો પાડે છે. મહાજને જણાવ્યું કે આ ચિપ યોનિમાં ફાયદાકારક બેક્ટેરિયા પેદા કરવાનું કામ કરે છે. 

યોનિ ચિપ માત્ર 1 ઈંચ (2.54 સેમી) લાંબી છે અને તેમાં બે મહિલાઓ દ્વારા દાન કરાયેલા કોષો છે. કોષો યોનિમાર્ગના જોડાયેલી પેશીઓમાંથી એકત્રિત કરવામાં આવ્યા છે. આ બે પ્રકારના કોષો પટલની બંને બાજુએ બેસે છે.