બ્રહ્માંડનાં રહસ્યો અને તેની ઉત્પત્તિને સમજવાની જેટલી કોશિશ થાય છે તેટલું જ રહસ્ય વધુ ઘેરું બનતું જાય છે. હવે વિજ્ઞાનીએ આ દિશામાં એક નવો પ્રયત્ન કર્યો છે. તેમણે એઆઇની મદદથી તે જાણવાની કોશિશ કરી છે. સંશોધકોએ ડાર્ક એમ્યુલેટર નામનું એક આર્ટિફિશિયલ ઇન્ટેલિજન્સ ઉપકરણ વિકસાવ્યું છે, જેની મદદથી થોડી જ સેકન્ડની અંદર અભ્યાસ કરી શકાય છ કે બ્રહ્માંડે કેવી રીતે શૂન્યતા અને તંતુઓનું નિર્માણ કર્યું.
ડાર્ક એમ્યુલેટર થોડી જ ક્ષણોમાં જણાવશે સૃષ્ટિમાં કેવી રીતે થયું તંતુઓનું નિર્માણ?
સંશોધકોએ ડાર્ક એમ્યુલેટર નામનું એક આર્ટિફિશિયલ ઇન્ટેલિજન્સ ઉપકરણ વિકસાવ્યું છે
ટેલિકોમના ક્ષેત્રમાં સતત ઉન્નતિએ બ્રહ્માંડનું વધુ વિસ્તારથી અભ્યાસ કરવા એક બ્રહ્માંડીય મોડલ સ્થાપિત કર્યું છે
સંશોધકોએ ડાર્ક એમ્યુલેટર નામનું એક આર્ટિફિશિયલ ઇન્ટેલિજન્સ ઉપકરણ વિકસાવ્યું છે
ટેલિકોમના ક્ષેત્રમાં સતત ઉન્નતિએ બ્રહ્માંડનું વધુ વિસ્તારથી અભ્યાસ કરવા એક બ્રહ્માંડીય મોડલ સ્થાપિત કર્યું છે, જે વિવિધ તથ્યોની વ્યાખ્યા કરે છે, પરંતુ હજુ ઘણી વસ્તુઓ એવી છે જે સમજથી બહાર છે. બ્રહ્માંડનો મોટો ભાગ ડાર્ક મેટર અને ડાર્ક એનર્જીથી બનેલો છે, જેની પ્રકૃતિ કોઇ ઓળખી શક્યું નથી. બ્રહ્માંડની સંરચનાથી આ રહસ્યોને ખુલ્લા પાડવા હવે એક આશાજનક તક મળી છે. બ્રહ્માંડની કોસ્મિક માઇક્રોવેવ બેકગ્રાઉન્ડની શોધથી સંશોધકોને એ સમજવામાં નવી દિશા આપી છે કે બ્રહ્માંડ પોતાની શરૂઆતમાં કેવું દેખાતું હતું અને તેનો વિકાસ કેવી રીતે થયો તેમજ પોતાના વર્તમાન સ્વરૂપમાં કેવી રીતે આવ્યું.
આ માટે દુનિયાના સૌથી ઝડપી ગણાતા ખગોળ ભૌતિકી સિમ્યુલેશન સુપર કમ્પ્યૂટર એટીઇઆરયુઆઇ-૧ અને એટીઇઆરઆઇ-૨નો પ્રયોગ કરીને ડાર્ક એમ્યુલેટર વિકસાવવામાં આવ્યું. મુખ્ય સંશોધક નિશિમિચીએ જણાવ્યું કે અમે સુપર કમ્પ્યૂટરની મદદથી એક મોટો ડેટાબેઝ બનાવ્યો છે, જેને પૂર્ણ કરવામાં અમને લગભગ ત્રણ વર્ષ લાગશે, પરંતુ હવે અમે સેકન્ડભરમાં તેને લેપટોપ પર બનાવી શકીએ છીએ.