OMG! / વૈજ્ઞાનિકોએ ગણી નાંખી પૃથ્વી પર કેટલી છે કિડીઓ! ચોંકાવનારો આંકડો સાંભળી 'ચક્કર આવી જશે'

• ધરતી પર આટલી છે કીડીઓ 
• વૈજ્ઞાનિકોએ કર્યો અભ્યાસ 
• મળી આવી આટલી જાતીની કીડીઓ 

પૃથ્વી પર પ્રકૃતિમાં વિવિધ પ્રકારના ઘણા જીવો છે. પૃથ્વી પર મનુષ્ય ઉપરાંત તમામ પ્રકારની પ્રજાતિઓ જોવા મળે છે. તેમાંની એક કીડીની પ્રજાતિ છે. એક કહેવત પણ છે કે જો તમારે એકતા કે અનુશાસન શીખવું હોય તો કીડીઓ પાસેથી શીખો પરંતુ શું તમે ક્યારેય વિચાર્યું છે કે પૃથ્વી પર કેટલી કીડીઓ છે? (How Many Ants On Earth) વૈજ્ઞાનિકોએ આ પ્રશ્નનો જવાબ શોધી કાઢ્યો છે. વૈજ્ઞાનિકોએ હાલમાં જ એક સંશોધન કર્યું છે, જેમાંથી તેમણે કીડીઓની વસ્તી અંગે ચોંકાવનારો દાવો કર્યો છે.

15,700થી વધુ પ્રજાતીઓ 
એક રિપોર્ટ અનુસાર આપણી પૃથ્વી પર લગભગ બે લાખ ખરબ અથવા બે કરોડ અબજ કીડીઓ છે અથવા અંગ્રેજીમાં કહીએ તો 20,000 મિલિયન મિલિયન અથવા સીધુ લખીએ તો 2 પછી 16 શૂન્ય  જેટલી (20,00,00,00,00, 00,00,000)કીડીઓ છે. જણાવી દઈએ કે કીડીઓની 15,700 થી વધુ નામવાળી પ્રજાતિઓ અને પેટાજાતિઓ છે, અને બીજી ઘણી પ્રજાતીઓને વિજ્ઞાનીકો દ્વારા નામ આપવાનું બાકી છે.

વૈજ્ઞાનિકોએ અંદાજ લગાવ્યો છે કે સમગ્ર વિશ્વમાં કીડીઓ લગભગ 12 મિલિયન ટન શુષ્ક કાર્બન ઉત્પન્ન કરે છે. આ તમામ જંગલી પક્ષીઓ અને જંગલી સ્તનધારિઓના દ્રવ્યમાનથી વધારે છે. તે પૃથ્વી પરના માનવીના કુલ વજનના પાંચમા ભાગ બરાબર પણ છે. અભ્યાસ કહે છે કે કીડીઓના ઉત્કૃષ્ટ સામાજિક સંગઠને તેમને વિશ્વભરના લગભગ તમામ ઇકોસિસ્ટમ અને પ્રદેશોમાં વસવાટ કરવા સક્ષમ બનાવ્યા છે.

પ્રકૃતિનો મહત્વનો ભાગ છે કીડીઓ 
જાણીતા જીવવિજ્ઞાની એડવર્ડ ઓ. વિલ્સને એકવાર કહ્યું હતું કે કીડા અને અન્ય invertebrates પ્રાણીઓ એ 'નાની વસ્તુઓ છે જે વિશ્વને ચલાવે છે.' તે સાચો હતો. કીડીઓ ખાસ કરીને પ્રકૃતિનો એક મહત્વપૂર્ણ ભાગ છે. કીડીઓ જમીનને હવા આપે છે. જે બીજોને ફેલાવે છે. કાર્બનિક પદાર્થોને તોડે છે. અન્ય પ્રાણીઓ માટે રહેઠાણ બનાવે છે અને ખાદ્ય શૃંખલાનો એક મહત્વપૂર્ણ ભાગ બનાવે છે.