હેલ્થ / વૈજ્ઞાનિકોનો દાવો: પુરુષોમાં હવે આ જીવલેણ અનુવાંશિક બીમારી ફેલાવાનો ખતરો; જાણો લક્ષણો

આ બીમારીથી ૪૦ ટકા દર્દીઓની નસમાં લોહી જામી જાય છે. રોજ તાવ આવવો અને ફેફસાંની મુશ્કેલીઓ જેવાં લક્ષણ સામે આવ્યા હતા. જે આ બધાંના મોતનું કારણ હતું. અમેરિકાના નેશનલ હેલ્થ કમિશનના શોધકર્તાઓએ આ બીમારીને ‘વેક્સાસ’ નામ આપ્યું છે.

શોધકર્તાઓએ ૨,૫૦૦ લોકોનાં આનુવાંશિક પાસાંની શોધ કરી

અધ્યયન દરમિયાન શોધકર્તાઓએ સરખાં લક્ષણોવાળા લોકોના સામૂહિકૃત કરવા અને શોધની જગ્યાએ ૨,૫૦૦ લોકોનાં આનુવાંશિક પાસાંની શોધ કરી હતી, જેમાં સોજાની સમસ્યાનાં વ્યાપક લક્ષણો જોવા મળ્યાં હતાં. નેશનલ હ્યુમન જીનોમ રિસર્ચ ઈન્સ્ટિટ્યૂટ (NHGRI)માં ક્લિનિકલ ફેલો ડો. ડેવિડ બી. બેકના જણાવ્યા પ્રમાણે અમારી પાસે અનેક એવા દર્દી હતા, જે સોજાની સમસ્યાથી પીડાતા હતા. અમે તેમની સારવાર કરવામાં અસમર્થ હતા.

અમે આ બીમારીની સારવાર કરવા માટે વિપરીત નુસખા અપનાવ્યા હતા. અમે લક્ષણો ઉપર ધ્યાન ન આપતાં આની સારવાર માટે આનુવાંશિક રીતે ઓળખ કરી, પછી અમે વ્યક્તિગત રૂપથી જીનોમનું અધ્યયન કર્યું અને પરિણામ તમારી સામે છે.

મધ્યમ આયુ વર્ગના ત્રણ પુરુષોના જીનોમમાં સમાન મ્યુટેશનની ઓળખ થઈ

આ પ્રક્રિયાનો ઉપયોગ કરીને વૈજ્ઞાનિકોએ મધ્યમ આયુ વર્ગના ત્રણ પુરુષોના જીનોમમાં સમાન મ્યુટેશનની ઓળખ થઈ, જેને યુબીઆઈ૧ કહેવામાં આવે છે. ત્યારબાદ વૈજ્ઞાનિકોએ વધુ ૨૨ વ્યક્તિઓની ઓળખ કરી હતી, જેમાં તાવ અને લોહી જામવા જેવાં સમાન લક્ષણો પણ દેખાયાં હતાં, પરંતુ શોધકર્તાઓને આશંકા છે કે વેક્સાસ બીમારી માત્ર પુરુષોમાં જ દેખાઈ છે કારણ કે આ એક્સ ગુણસૂત્રોથી જોડાયેલી છે, જે પુરુષોમાં માત્ર એક જ હોય છે. આવી સ્થિતિમાં મહિલાઓમાં આની સંખ્યા વધારે હોવાના કારણે તેઓ સુરક્ષિત છે.

લેખ છપાયા બાદથી વધુ ૨૫ દર્દીઓ મળ્યા

આ શોધનો એક લેખ છપાયા બાદથી વધુ ૨૫ દર્દીઓ મળ્યા છે, પરંતુ શોધના લેખકોનું કહેવું છે કે આની સંખ્યા વધી પણ હોઈ શકે છે. એનબીએસના એક સમાચાર પ્રમાણે અમેરિકામાં ૧૨૫ મિલિયન લોકો આ પ્રકારની સમસ્યાથી લડી રહ્યા છે.

લેખમાં જ છપાયેલા શોધ ટીમથી અલગ લેહડ એન્ડ મેરી ક્લયેર કિંગના એક શોધકર્તા ડોક્ટર એફ્રેટના જણાવ્યા પ્રમાણે આ સ્થિતિમાં વૈજ્ઞાનિકોની આ નવી શોધ આ બીમારીના સુગમ ઈલાજ માટે ખૂબ જ ઉપયોગી સાબિત થઈ શકે છે.