કોરોના સામે લડવામાં વૈજ્ઞાનિકોએ એક નવું હથિયાર કરી રહ્યાં છે જે મોંઢામાં મૂકતાની સાથે જ વાયરસ છૂમંતર થઈ જશે.
કોરોના સામે લડવામાં વૈજ્ઞાનિકો બનાવી રહ્યાં છે વધુ એક હથિયાર
મોંઢામાં મૂકતાની સાથે જ વાયરસ છૂમંતર થઈ જશે છૂમંતર
અમેરિકાના વૈજ્ઞાનિકો છોડવામાંથી બનાવી રહ્યાં છે ચ્યૂઈંગ ગમ
અમેરિકાના વૈજ્ઞાનિકો છોડવા દ્વારા તૈયાર કરવામાં આવેલા પ્રોટીનમાંથી એક ચ્યૂઈંગ ગમ તૈયાર કરી રહ્યાં છે જે કોરોનાને છૂમંતર કરી શકે છે. યુ.એસના વૈજ્ઞાનિકો એક ચ્યુઇંગગમ વિકસાવી રહ્યા છે જે કોવિડ વાયરસ સામે લડવામાં અસરકારક રહેશે. વૈજ્ઞાનિકો છોડમાંથી ઉગાડવામાં આવતા પ્રોટીન ધરાવતી ચ્યુઇંગગમ બનાવી રહ્યા છે, જે સાર્સ-કોવી-2 વાયરસ માટે 'ટ્રેપ' તરીકે કામ કરશે. આ ચ્યુઇંગગમ વાયરલ લોડને ઘટાડીને કોરોનાનો ખાતમો બોલાવી શકે છે.
અમેરિકાની પેન્સિલવેનિયા યુનિવર્સિટીના વૈજ્ઞાનિકનું સંશોધન
અમેરિકાની પેન્સિલવેનિયા યુનિવર્સિટીના વૈજ્ઞાનિક હેનરી ડેનિયલ અને તેમની ટીમ આ ચ્યૂઈંગ ગમ બનાવી રહી છે. તેમણે કહ્યું કે સાર્સ-કોવી 2 લાળ ગ્રંથીમાં નકલ બનાવે છે અને તેથી જ સંક્રમિત વ્યક્તિ જ્યારે છીંકે છે, ખાંસી ખાય છે અથવા બોલે છે ત્યારે તેનો ચેપ બીજાને લાગે છે.
ચ્યુઇંગગમ લાળમાં વાયરસને નિષ્ક્રિય કરવાની ક્ષમતા ધરાવે છે
ડેનિયલે કહ્યું કે ચ્યુઇંગગમ લાળમાં વાયરસને નિષ્ક્રિય કરવાની ક્ષમતા ધરાવે છે, જે કોરોના વાયરસ ટ્રાન્સમિશનના સ્ત્રોતને ઘટાડવાનો સરળ માર્ગ બની શકે છે. ચ્યુઇંગગમ વિકસાવવા અંગે સંશોધકોએ જણાવ્યું હતું કે આ સિસ્ટમ પ્રોટીન સંશ્લેષણમાં સામાન્ય અવરોધોને ટાળવાની ક્ષમતા ધરાવે છે. તેમણે કહ્યું હતું કે, ચ્યુઇંગગમ નો અર્થ રિસેપ્ટર સાર્સ-કોવી-2 સ્પાઇક પ્રોટીનને માનવ કોશિકાઓમાં એસીઇ2 સાથે બાંધવા માટે પણ છે.
કેવી રીતે તૈયાર થયું ચ્યૂઈંગ ગમ
સંશોધકોએ જણાવ્યું કે એસસીઈ2 ઈન્જેક્સન ગંભીર ચેપ વાળા દર્દીઓમાં વાયરસની સંખ્યા ઘટાડી શકે છે. વૈજ્ઞાનિકોએ છોડવાઓમાંથી એસસીઈ2 ઈન્જેક્સન તૈયાર કર્યું. ત્યાર બાદ છોડવાની સામગ્રીને ગમ ટેબ્લેટમાં ફેરવી નાખ્યું. સંશોધકોએ કહ્યું કે જો ક્લિનિકલ ટ્રાયલમાં સાબિત થઈ જાય કે ચ્યૂઈંગ ગમ સુરક્ષિત અને અસરકારક છે તો તે દર્દીઓને આપી શકાય છે. ચ્યૂઈંગ ગમથી વાયરસનો ફેલાવો અટકી શકે છે.