પર્યાવરણ / કલાઇમેટ ચેન્જ સામે આશાનું કિરણ ; કાર્બન ડાયોક્સાઇડ ખાઈ જાય તેવા બેક્ટેરિયા વિજ્ઞાનીએ લેબમાં તૈયાર કર્યા

 ઇઝરાયલના સંશોધકોના જણાવ્યા અનુસાર ધરતી પર મળી આવતા સૂક્ષ્મ જીવોની બે શ્રેણી છે. એક ઓટોટ્રોફ્સ છે, જે કાર્બન ડાયોક્સાઇડને બાયોમાસમાં ફેરવે છે. જ્યારે બીજો હેટેરોટ્રોફ્સ છે, જે ઓર્ગેનિક કંપાઉન્ડનું સેવન કરે છે. 

સંશોધકોએ ઇ-કોલી નામના બેક્ટેરિયાને કાર્બન ડાયોક્સાઇડ પચાવનાર બનાવી દીધા. તેમણે જણાવ્યું કે બાયોમાસમાં ઓટોટ્રોફ્સ ઓર્ગેનિઝમનું વર્ચસ્વ હોય છે. તેની મોટા ભાગના ખાદ્યપદાર્થો અને ઇંધણની ઉત્પત્તિમાં મહત્ત્વની ભૂમિકા હોય છે. 

બાયોમાસ કાર્બનિક પદાર્થ છે, જે વનસ્પતિ અને પશુઓમાંથી પ્રાપ્ત થાય છે. ભવિષ્યમાં આ બેક્ટેરિયામાં અન્ય જરૂરી બદલાવ કરીને વાયુમંડળમાંથી ગ્રીન હાઉસ ગેસને ઘટાડવામાં મદદ મળી શકે તેમ છે.