વિદેશ / કોરોના કરતાં મોટી મહામારી આવશે ! 27 દેશ બનાવી રહ્યાં છે ખતરનાક વાયરસ, વૈજ્ઞાનિકોની ચેતવણીથી દુનિયામાં ડર

• અમેરિકાના વૈજ્ઞાનિકોની મોટી ચેતવણી
• દુનિયામાં કોરોના કરતાં પણ ફેલાશે ઘાતક બીમારી
• હાલમાં 27 દેશો બનાવી રહ્યાં છે ઘાતક વાયરસ 

કોરોના જેવો બીજો એક ખતરનાક વાયરસ દુનિયામાં તબાહી મચાવવા આવી રહ્યો છે તેવી એક મોટી ચેતવણી વૈજ્ઞાનિકોએ આપી છે. અમેરિકાના વૈજ્ઞાનિકોએ કહ્યું કે દુનિયામાં હાલમાં ઘાતક વાયરસ બનાવતી 69 લેબ ચાલી રહી છે જેમાં કોરોના કરતાં પણ વાયરસ બનાવીને તૈયાર રખાયાં છે જે જો કોઈ ભૂલથી પણ લીક થઈ જાય તો કોરોના કરતાં પણ વધારે ઘાતક મહામારી ફેલાવશે. 

કોરોના વુહાનની લેબમા ફેલાયો તે નક્કી થયું 
ચીનના વુહાન શહેરમાં કોવિડ -19 મળી આવ્યાને ત્રણ વર્ષથી વધુ સમય થઈ ગયો છે. આ પછી પણ રહસ્ય એ જ રહે છે કે તે પહેલીવાર ક્યાંથી આવ્યો. તે જ સમયે, તાજેતરમાં દાવો કરવામાં આવ્યો હતો કે કોરોના રોગચાળો ચીની લેબમાંથી લીક થયો છે. આ દરમિયાન એફબીઆઇના ડાયરેક્ટર ક્રિસ્ટોફર રેએ જણાવ્યું હતું કે ચીનની સરકાર હેઠળની એક લેબમાંથી કોવિડ-19 લીક થયો છે.  વૈજ્ઞાનિકોને શંકા છે કે કોરોના વાયરસ મધ્ય ચીનમાં સ્થિત વુહાન શહેરની એક લેબમાંથી ફેલાયો હતો. આ એ જ જગ્યા છે જ્યાંથી સૌથી પહેલા વાયરસ ફેલાવાનો કેસ સામે આવ્યો હતો. વુહાન ઇન્સ્ટિટ્યૂટ ઓફ વાયરોલોજી (WIEV) એક દાયકાથી વધુ સમયથી ચામાચીડિયામાં કોરોનાવાયરસનો અભ્યાસ કરી રહી છે. આ સંસ્થા વુહાન  વેટ માર્કેટથી 40 મિનિટની ડ્રાઈવ પર છે, જ્યાં ચેપનું પ્રથમ ક્લસ્ટર ઉભરી આવ્યું હતું. આ રીતે કહી શકાય કે ચીનની એક લેબમાંથી કોરોના વાયરસ લીક થયો હતો, જેણે સરકારની દેખરેખ હેઠળ કામ કર્યું હતું.

27 દેશો તૈયાર કરી રહ્યાં છે ખતરનાક વાયરસ 

એક રિપોર્ટ અનુસાર  27 દેશો એવા છે જેમાં કેમિકલ ટેસ્ટિંગની મદદથી લેબની અંદર ખતરનાક વાયરસ તૈયાર કરવામાં આવે છે. આના પર ડો.ફિલિપા, ડો.ગ્રેગરીના રિપોર્ટમાં ખતરનાક વાયરસવાળી લેબ અંગે ચેતવણી આપવામાં આવી છે. રિપોર્ટ અનુસાર દુનિયામાં કુલ 69 લેબ છે. આમાંથી 51 લેબ ચાલી રહી છે, જ્યારે 15 શરૂ કરવા માટે તૈયાર છે. આવી લેબને BSL-4 કહેવામાં આવે છે. આ લેબ્સમાં ખતરનાક પ્રકારના વાયરસ બનાવીને સુરક્ષિત રાખવામાં આવે છે.

વાયરસની લેબ કયા દેશમાં કેટલી 
એક રિપોર્ટ મુજબ વિશ્વમાં સૌથી વધુ લેબ યુરોપમાં છે. અહીં લગભગ 26 લેબ છે. એશિયામાં 20 લેબ છે. અમેરિકામાં 15, આફ્રિકામાં 4, ઓસ્ટ્રેલિયામાં 1 અને દક્ષિણ અમેરિકામાં 11 લેબ છે. સાથે જ એશિયામાં લગભગ <> લેબ બનાવવાની યોજના ચીન, ભારત, કઝાકિસ્તાન, તાઇવાન, ફિલિપાઇન્સ, સાઉદી અરબ, સિંગાપુર અને જાપાનમાં છે.