OMG ! / હવે કોફીનો કચરો પણ દિમાગી સારવારમાં કામ લાગશે, વૈજ્ઞાનિકો નવો જ ઉપયોગ શોધી લાવ્યા

• કૉફી હવે વૈજ્ઞાનિક રીતે પણ લાભદાયી
• વૈજ્ઞાનિકોએ કર્યુ નવુ સંશોધન 
• ન્યુરો ટ્રાસ્મિટરની એનર્જી માપવા કૉફી ઉપયોગી 

ચાની જેમ કૉફી પીનારો પણ એક અલગ વર્ગ છે. કૉફી પાછળ લોકો હજારો રૂપિયા ખર્ચી નાંખતા વિચાર કરતા નથી. કૉફી પીવાથી કોઇને રિફ્રેશ ફીલ થાય તો કોઇ ઊંઘ ભગાડવા માટે કૉફી પીવાનો આગ્રહ રાખે છે. ત્યારે કૉફી પીનારાઓની ખુશી બેવડાઇ જાય તેવા એક મહત્વના સમાચાર સામે આવ્યા છે. કૉફી બનાવ્યા પછી તેનો જે વેસ્ટ બચે છે તેનો ઉપયોગ પર્યાવરણને બચાવનારી ઇલેક્ટ્રોડ કોટિંગમાં કરવામાં આવશે. આ કોટિંગ ન્યુરો ટ્રાસ્મિટરની એનર્જી માપવા માટે ઉપયોગી સાબિત થશે.

કૉફી વેસ્ટને કરાશે રિસાઇકલ 

એશ્લે રોસ અને તેમની ટીમ દ્વારા  વધેલા કૉફિના પાવડરથી કવર કરવામાં આવેલા ઇલેક્ટ્રોડનો મગજની અંદર રહેલા બાયોમોલેક્યુલ્સને ઓળખવા કર્યો. આ પ્રકારનો પ્રયોગ  પ્રથમ વખત કરવામાં આવ્યો છે. કોફીની મદદથી મગજની અંદરની રાસાયણિક વિદ્યુત ઊર્જાને માપવાની વ્યવસ્થા કરવામાં આવી છે. એશ્લેએ કહ્યું કે અમે છિદ્રાળુ કાર્બનમાં ઊર્જા બચાવવા માટેના કાગળો જોયા છે. પછી વિચાર્યું કે શા માટે આ પદાર્થનો ઉપયોગ ન્યુરોકેમિસ્ટ્રી માટે ન કરીએ. ત્યારે આ વિચાર આવ્યો. 

કાર્બનના બદલે કૉફીનો કર્યો ઉપયોગ

સામાન્ય રીતે મગજના તરંગોને માપવા માટે ન્યુરોસાયન્ટિસ્ટ માઇક્રોઇલેક્ટ્રોડ્સનો ઉપયોગ કરે છે. જે  કાર્બન ફાઇબરના બનેલા હોય છે. જેમાં સૂક્ષ્મ
ઘન કાર્બનના થ્રેડો એકબીજા સાથે જોડાયેલા હોય છે. તેમને બનાવવામાં ઘણો સમય અને પૈસા લાગે છે. આથી  એશલી અને તેની ટીમે નવા ઈલેક્ટ્રોડ્સ બનાવવા માટે બચેલી કોફીનો ઉપયોગ કર્યો. એશ્લેની વિદ્યાર્થી કામ્યા લેપ્સલી કોફીના ભૂકાને સુકવ્યો અને તેને ટ્યુબ ફર્નેસમાં તપાવીને તેને પોટેશિયમ હાઇડ્રોક્સાઇડનું દ્રાવણમાં નાખતા  કાર્બન એક્ટિવ થઇ ગયા.

Waste #coffeegrounds could someday help detect brain waves https://t.co/271OtUewyJ

— Phys.org (@physorg_com) March 20, 2022

મગજની રાસાયણિક ઉર્જા માપી શકાશે

આ પછી સંશોધકોએ મિશ્રણને  ફરીથી ગરમ કર્યું.  નાઈટ્રોજન ગેસ હેઠળ ગરમ કરવામાં આવ્યુ જેથી અનિચ્છનીય તત્વો બહાર આવે. આ પછી, તેના પર છિદ્રાળુ કાર્બનનું પાતળું પડ લગાવવામાં આવ્યું.  જેનાથી માનવના વાળના વ્યાસ કરતા 100 ગણો પાતળો ઇલેક્ટ્રોડ બનાવીને તૈયાર થયો.  જેનો ઉપયોગ મગજમાં થતી ઇલેક્ટ્રોકેમિકલ પ્રતિક્રિયાની તપાસ કરવા માટે કરવામાં આવ્યો હતો. જેમાં ચોકસાઈનું સ્તર ત્રણ ગણું વધારે જોવા મળ્યુ હતું.  એટલે કે ભવિષ્યમાં આ ઈલેક્ટ્રોડ્સની મદદથી સારવાર શક્ય બનશે.