પ્રોસેસ / આ ડોક્યૂમેન્ટની મદદથી ફ્રીમાં બનાવડાવો બાળકોનું આધારકાર્ડ, સરળ છે પ્રોસેસ

• ફ્રીમાં બનાવડાવો બાળકોના આધાર કાર્ડ
• 90 દિવસમાં મળશે આધાર કાર્ડ
• આધારમાં બાળકોના બાયોમેટ્રિક અપડેટ કરાવો

બાળકોના આધાર માટે આ રીતે કરો એનરોલમેન્ટ

બાળકોના આધાર બનાવવાની પ્રક્રિયા લગભગ વયસ્કો માટે આધાર બનાવવાની પ્રક્રિયા જેવી જ છે. વાલીઓ બાળકોની સાથે નજીકના આધાર કેર સેન્ટર જશે અને એક ફોર્મ ભરશે. 5 વર્ષથી નાના બાળકોના બાયોમેટ્રિક ડેટા લેવાશે નહીં. તેમના પેરન્ટ્સના આધારના બેઝ પર તેમની પ્રોસેસ કરાશે. જો બાળકની ઉંમર 5 વર્ષથી વધારે છે તો તેમના બાયોમેટ્રિક્સ ડેટા રજિસ્ટર કરાશે. 

90 દિવસમાં મળી જશે બાળકોના આધાર

જ્યારે આ પ્રક્રિયા પૂરી થશે તો એક એનરોલમેન્ટ સ્લિપ આપવામાં આવશે. આ સ્લિપ પર એનરોલમેન્ટ આઈડી નંબર અને તારીખ હશે. તેની મદદથી તમે આધારના સ્ટેટસને જાણી શકશો. આધાર એનરોલમેન્ટ 90 દિવસમાં આધારના આવેદનકર્તાના ઘરે પોસ્ટ કરી દેવામાં આવે છે. 

#AadhaarUpdateChecklist
Remember to take your child to nearby Aadhaar Kendra for the mandatory biometric update at age 5 years and again at age 15 years. This is important to keep your child's data updated and makes it easy for the child to use Aadhaar when required. pic.twitter.com/IWWUwTdE9W

— Aadhaar (@UIDAI) February 4, 2020

બાળકોના બાયોમેટ્રિકને આધારમાં કેવી રીતે અપડેટ કરાવશો

જ્યારે બાળકની ઉંમર 5થી 15 વર્ષની વચ્ચે હશે ત્યારે તેમના આધારમાં બાયોમેટ્રિક ડેટાને અપડેટ કરી શકાશે. તેમની 10 આંગળીની પ્રિંટ, આંખોનું સ્કેનિંગ અને ફોટો પણ અપડેટ કરાશે. આ માટે ઓરિજિનલ આધાર લેટરમાં જાણકારી અપાશે. બાળકોના બાયોમેટ્રિક ડેટાને ફ્રીમાં અપડેટ કરવામાં આવે છે. આ માટે કોઈ ખર્ચ કરવાનો નથી. UIDAIએ ટ્વિટ કરીને આ માહિતી આપી છે. 

બાળકોના આધાર માટે કયા ડોક્યૂમેન્ટ્સની રહેશે જરૂર

બાળકોના આધાર બનાવવા માટે તેમનું બર્થ સર્ટિફિકેટ આપવાનું રહેશે. તેના બદલે તમે બાળકોના સ્કૂલના ફોટો પણ આઈડી પણ આપી શકો છો. આ સિવાય માતાપિતાના આધારની ડિટેલ્સની પણ જરૂર રહેશે. માતાપિતાના સરનામાનું અને આઈડી પ્રૂફ પણ જરૂરી રહેશે.