ઉત્તરપ્રદેશ સરકાર અનલોક 5ની ગાઈડલાઈન્સ જાહેર કરી ચૂકી છે. જેના આધારે યૂપી સરકાર શરતોની સાથે ધોરણ 9થી 12ના ક્લાસ ફરીથી શરૂ કરવાની મંજૂરી આપી ચૂકી છે. 19 ઓક્ટોબરથી અહીં શાળાઓ ખૂલશે અને 2 પાળીમાં ક્લાસ શરૂ કરાશે. ક્લાસમાં 50 ટકા વિદ્યાર્થીઓને બોલાવવામાં આવશે.
વાલીઓની લેખિત સહમતિ જરૂરી
50 ટકા વિદ્યાર્થીઓ સાથે શરૂ કરાશે ક્લાસ
31 ઓક્ટોબર સુધી કન્ટેનમેન્ટ ઝોનમાં ચાલુ રહેશે લોકડાઉન
વાલીઓની લેખિત મંજૂરી સાથે એક ક્લાસમાં 50 ટકા વિદ્યાર્થીઓને બોલાવવામાં આવશે. ગયા અઠવાડિયે સરકારે અનલોક 5ની ગાઈડલાઈન્સ જાહેર કરી હતી. રાજ્યામાં કન્ટેનમેન્ટ ઝોનની બહાર 15 ઓક્ટોબરથી શાળા, કોલેજ, સિનેમા ખોલવાની મંજૂરી અપાઈ હતી.
15 ઓકટોબરથી ખૂલશે આ સંસ્થાઓ
ગાઈડલાઈનના આધારે યૂપીમાં 15 ઓક્ટોબરથી પાર્ક પણ ખોલી શકાશે. સાથે સામાજિક, ધાર્મિક, સાંસ્કૃતિક, શૈક્ષણિક, મનોરંજન ગતિવિધિ પણ શરૂ કરવાની મંજૂરી અપાઈ છે. ફેસ માસ્ક અને સોશ્યલ ડિસ્ટન્સિંગનું પાલન અનિવાર્ય રહેશે.
31 ઓક્ટોબર સુધી કન્ટેનમેન્ટવાળા વિસ્તારમાં લોકડાઉન કાયમ
ગાઈડલાઈન અનુસાર રાજ્યમાં 31 ઓક્ટોબર સુધી કન્ટેનમેન્ટવાળા વિસ્તારમાં લોકડાઉન કાયમ રહેશે. જિલ્લા પ્રશાસન કેન્દ્રીય સ્વાસ્થ્ય મંત્રાલયના દિશા નિર્દેશના આધારે માઈક્રો લેવલ પર કન્ટેનમેન્ટ ઝોનની વહેંચણી કરશે.