નવસારી / ગુજરાતમાં આ પાલિકાના અણઘડ વહીવટના કારણે હજારો વિદ્યાર્થીઓનું ભાવિ મુશ્કેલીમાં મુકાયું

• નવસારી-વિજલપોર પાલિકાનો અણઘડ વહીવટ 
• પ્રથમ ટર્મ પુરી થવા છતાં નોટબૂક-કંપાસ અપાયા નથી
• હજારો વિદ્યાર્થીઓનું ભાવિ મુશ્કેલીમાં મુકાયું 

નવસારી નગર પ્રાથમિક શિક્ષણ સમિતિ સંચાલિત શાળાઓમાં સરકારની યોજના હેઠળ જે પુસ્તકો મળવા જોઈએ તે હજુ સુધી મળતા વિવાદ સર્જાયો છે. પાલિકાના અણધડ વહીવટના કારણે વિદ્યાર્થીઓના ભાવિ જોખમમાં મુકાતા પાલિકાની કામગીરી સામે પ્રશ્નો ઉભા થયા છે.

નવસારી પ્રાથમિક શિક્ષણ સમિતિનો અણઘડ વહીવટ

સતત બીજા વર્ષે પણ નોટબુક, કંપાસ નહીં અપાતા શૌક્ષણિક સાધનો અને વિદ્યાર્થીઓના પુસ્તકોના બારોબાર વહીવટ થઈ જતો હોય તેવું લાગી રહ્યું છે. મહત્વનું છે કે સરકારી યોજના હેઠળ જે પુસ્તકો અને સાધનસામગ્રી મળવી જોઈએ તે ન મળતા ધોરણ 3 થી 8માં અભ્યાસ કરતા વિદ્યાર્થીઓ મુશ્કેલીમાં મુકાયા છે. 

પાલિકાની શાળામાં નથી અપાયા પુસ્તકો

જો વાત કરાવામાં આવે તો વિદ્યાર્થીઓને નોટબૂક-કંપાસ આપવાનો ખર્ચ અંદાજે 7 લાખ જેટલો થાય છે જ્યારે નવસારી-વિજલપોર પાલિકાની નગર પ્રાથમિક શિક્ષણ સમિતિ હસ્તકની 18 જેટલી પ્રાથમિક શાળાઓમાં 1 થી 8 ધોરણમાં 4 હજાર જેટલા વિદ્યાર્થીઓ અભ્યાસ કરે છે. 

પ્રથમ ટર્મ પૂર્ણ છતાં નોટબુક નથી અપાઈ

આ શાળામાં ધોરણ 3 થી 8માં અભ્યાસ કરતા છાત્રોને નગરપાલિકા ઘણા વર્ષોથી નોટબુક અને કંપાસ સહિત શિક્ષણસાથે જોડાયેલ સાધન સામગ્રી આપતી આવી છે પરતું  ચાલુ વર્ષે પણ પ્રથમ ટર્મ પુરી થઈ રહી છે હોવા છતાં હજુ સુધી તે ન મળતા મોટા કૌભાંડની આશંકા સેવાઈ રહી છે. 

3200 વિદ્યાર્થીઓનું ભાવિ અંધકાળમાં

રાજ્યમાં શાળામાં અભ્યાસ શરૂ થયાને પણ બે મહિના થી વધુનો સમય થઈ ગયો છે, પરંતુ શાળામાં અભ્યાસ માટેના શૈક્ષણિત સામગ્રી ન મળતા પાલિકાને સામે વાલીઓનો રોષ જોવા મળી રહ્યો છે પાલિકાના અણઘડ વહીવટના કારણે વિદ્યાર્થીઓનું ભાવિ જોખમમાં મુકાયું છે.