નાના દિનારાઃ ભૂજના નાના દિનારામાં સતત ત્રણ વર્ષ સુધી શાળા બનાવવાની માંગ કરવામાં આવી રહી હતી. ત્યારે અનેક રજૂઆત બાદ શાળાને મંજુરી આપવામાં આવી છે.
જેને લઇને બાળકો વાલીઓ અને ગ્રામજનોમાં ખુશીની લહેર જોવા મળી હતી. આ શાળાને 8-8-16ના રોજ શરૂ કરવામાં આવી હતી. જેમાં 100 જેટલા બાળકોએ પ્રવેશ મેળવ્યો હતો.
અહીં શાળાના બાળકોને બુક-પેન અને ભણતરને લગતી સામગ્રી આપવામાં આવી હતી. હાલના સમયમાં એક ખાનગી રૂમમાં શાળા શરૂ કરવામાં આવી છે.
જેને લઇને સરકાર પાસે ગામના આગેવાનો દ્વારા માંગ કરવામાં આવી છે કે ગ્રાન્ટ ફાળવીને નવા રૂમની વ્યવસ્થા કરવામાં આવે અને વિદ્યાર્થીઓને સંખ્યા પ્રમાણે શિક્ષકની ભરતી કરવામાં આવે.