કોરોનાને કારણે માર્ચથી દેશભરમાં સ્કુલો બંધ હતી. કેન્દ્ર સરકારે અનલોક 4માં નવમાં ધોરણથી 12માં ધોરણ સુધી સ્કુલો ખોલવાની છુટ આપી દીધી છે. સ્વાસ્થ્ય મંત્રાલયે સ્ટેન્ડર્ડ ઓપરેટિંગ પ્રોસિજર(એસઓપી)ના જાહેર કરી રાખ્યું છે. જેમાં સોશિયલ ડિસ્ટન્સિંગ અને પર્સનલ હાઈજિન ઉપરાંત અનેક વ્યવસ્થાગત નિયમમો બનાવવામાં આવ્યા છે. જેનું પાલન કરવુ અનિવાર્ય છે.
વ્યવસ્થાગત નિયમમોનું પાલન કરવુ અનિવાર્ય
સોશિયલ ડિસ્ટન્સિંગ અને પર્સનલ હાઈજિન ફરજીયાત
કેટલાક રાજ્યો સ્કુલો નહીં ખોલે
હાલમાં સ્કૂલમાં સ્વિમિંગ પુલ બંધ રહેશે અને કોઈ એસેમ્બલી અથવા સ્પોર્ટ્સ એક્ટિવીટી પણ નહીં થાય. ક્લાસિસમાં 2 બાળકો વચ્ચે 6 ફુટનું અંતર જાળવવું પડશે. હરિયાણા, ઝારખંડ, આંધ્ર પ્રદેશ જેવા રાજ્યોમાં સ્કુલ ખોલવાની જાહેરાત કરી દેવામાં આવી છે. જો કે કેરળ જેવા રાજ્યોમાં સંક્રમણ વધારે હોવાથી તેઓ ખચકાઈ રહ્યા છે. જાણો કયા રાજ્યોમાં શું સ્થિતિ છે.
હરિયાણામાં સ્કુલો ખુલશે. જેમાં તમામ સાવધાની અને હાઈજેનિકને લગતા નિયમોના પાલન સાથે સ્કુલો કાર્યરત કરાશે. ઉત્તરાખંડમાં અસમંજસની સ્થિતિ યથાવત છે. ઉત્તરાખંડ સરકારના પ્રવક્તાએ કહ્યું છે કે જો થોડીક પણ શંકા રહેશે તો સ્કુલો ખોલવામાં નહીં આવે. સોમવારની સવાર સુધીમાં અહીં 10 હજાર કેસ છે.
બીજી તરફ ઉત્તર પ્રદેશ સરકાર આજે નિર્ણય લેશે કે તેઓ સ્કુલો ખોલશે કે બંધ રાખશે. ડેપ્યુટી સીએમ ડો. દિનેશ શર્માના જણાવ્યાનુંસાર અલગ અલગ જિલ્લામાં સ્થિતિ અલગ અલગ છે 15 સપ્ટેમ્બર સુધી નજર રાખી નિર્ણય લેવાશે. દિલ્હીમાં 30 સપ્ટેમ્બર સુધી સ્કુલો બંધ રહેશે. ત્યારે બિહારમાં પણ 30 સપ્ટેમ્બર સુધી સ્કુલો કોલેજો બંધ રહેશે. જોકે પટના ડીએમએ કેન્ટોનમેન્ટ જોનની બહાર 9થી 12 ધોરણની સ્કુલો ખોલવા પરવાનગી આપી દીધી છે.
ઝારખંડ સરકાર કેન્દ્રની ગાઈડલાઈનને ધ્યાનમાં રાખી સ્કુલો ખોલવાની તૈયારીમાં છે. કેમ કે એક સર્વે મુજબ શિક્ષણ વ્યવસ્થા કથળી ગઈ છે. માત્ર 27 ટકા વિદ્યાર્થી જ ઓનલાઈન ક્લાસ એક્સેસ કરી શક્યા છે ગ્રામીણ વિસ્તારમાં હાલત ખરાબ છે. આંઘ્રપ્રદેશ સરકારે 21 સપ્ટેમ્બરે સ્કુલો ખોલવાની પરવાનગી આપી છે.
શું છે કેન્દ્રની ગાઈડલાઈન
શાળાએ જતા વિદ્યાર્થીઓ માસ્ક ફરજિયાત પહેરવુ પડશે. સાથે જ 6 ફુટનું ફિઝિકલ અંતર રાખવું પડશે. આ પ્રકારે, સ્ટાફ રૂમ, ઓફિસ એરિયા અને અન્ય જગ્યાઓ મેસ, લાઇબ્રેરી અને કૈફેટેરિયામાં પણ સોશિયલ ડિસ્ટેન્સિંગ ફરજિયાત કરવું પડશે. તો દરેક વિદ્યાર્થી અને શિક્ષકે સ્કૂલની મુલાકાત દરમિયાન આરોગ્ય સેતુ એપ ડાઉનલોડ કરવી પડશે.
સ્કૂલ એસેમ્બલી, સ્પોર્ટ્સ અને અન્ય ઇવેન્ટમાં ભીડભાડ પર કડક પ્રતિબંધ હશે. સ્કૂલને કોઇ પણ ઇમરજન્સીની સ્થિતિમાં સંપર્ક કરવા માટે શિક્ષકો, વિદ્યાર્થીઓ, કર્મચારીઓને રાજ્ય હેલ્પલાઇન નંબર અને સ્થાનિક સ્વાસ્થ્ય અધિકારીના નંબર પણ બોર્ડ પર ડિસ્પ્લે કરવા પડશે.
એર-કંડીશનિંગ અને વેન્ટિલેશન માટે તમામ એર કંડીશનિંગ સાધનોનું તાપમાન સેટિંગ 24-30 ડિગ્રી સેલ્સિયસની મર્યાદામાં હોવું જોઇએ. આ સિવાય સંબંધિત ભેજનું પ્રમાણ 40-70ની મર્યાદામાં હોવું જોઇએ. ક્લાસરૂમમાં તાજી હવા જરૂરી છે. કન્ટેનમેન્ટ ઝોન બહારની સ્કૂલો જ ખોલવાની પરવાનગી અપાશે. સ્કૂલે જનાર વિદ્યાર્થી, શિક્ષક અને સ્ટાફે કન્ટેનમેન્ટ ઝોનમાં જવાથી બચવું પડશે.