ગાંધીનગર / સ્કૂલ ઓફ ડ્રોનના ઉદ્ધાટન બાદ CMએ કહ્યું- ગુજરાત દેશનું ગ્રોથ એન્જિન બન્યું, સ્ટાર્ટઅપમાં પણ નંબર વન

• ગાંધીનગરમાં સ્કૂલ ઓફ ડ્રોનનું CMએ ઉદ્ઘાટન કર્યું
• સ્કૂલ ઓફ ડ્રોનના ઉદ્ઘાટન બાદ CMનું નિવેદન
• ગુજરાત દેશનું ગ્રોથ એન્જિન બન્યું: CM
   

વિશ્વભરમાં ટેકનોલોજીકલ ક્રાંતિની સાથે તાલ મિલાવવા તેમજ દેશનું યુવાધન અદ્યતન ટેકનોલોજીથી સતત અપડેટ રહે, પોતાની સ્કિલને વધુ સારી રીતે એપ્લાય કરી શકે, આધુનિક ટેક્નોલોજી યુગ સાથે સમન્વય સાધી શકે તે માટે રાજ્ય સરકાર દ્વારા આધુનિક ટેક્નોલોજીકલ સ્કિલ શીખવવા માટે અભ્યાસક્રમો શરૂ કરવા જરૂરી બન્યા છે. જે ધ્યાને રાખીને ગુજરાત નેશનલ લૉ યુનિવર્સિટી ગાંધીનગર ખાતેથી કૌશલ્યા ધ સ્કિલ યુનિવર્સિટી હેઠળ સીએમ ભૂપેન્દ્ર પટેલના હસ્તે સ્કૂલ ઓફ ડ્રોન વિદ્યાશાખાનો પ્રારંભ કરવામાં આવ્યો.આ પ્રસંગે શ્રમ, કૌશલ્ય વિકાસ અને રોજગાર પ્રધાન બ્રિજેશ મેરજા તથા આરોગ્યપ્રધાન ઋષિકેશ પટેલ ઉપસ્થિત રહ્યા હતા. 

સ્ટાર્ટઅપમાં ગુજરાત નંબર વન - સીએમ ભૂપેન્દ્ર પટેલ

આ પ્રસંગે સીએમ ભૂપેન્દ્ર પટેલે સંબોધન કરતા જણાવ્યું કે ગુજરાત દેશનું ગ્રોથ એન્જિન બન્યુ છે.  ગ્રોથ એન્જિન ત્યારે કહેવાય જ્યારે દરેક ક્ષેત્રે વિકાસ સારી રીતે થયો હોય. દરેક ક્ષેત્રે ટેક્નોલોજીનો ઉપયોગ થઇ રહ્યો છે, છેવાડાના માનવી સુધી ટેક્નોલોજી પહોંચે તેવો પ્રયાસ થઇ રહ્યા છે. સ્ટાર્ટઅપમાં ગુજરાત નંબર વન આવે છે તેમ જણાવ્યું હતું, વધુમાં જણાવ્યું આઝાદી કા અમૃત મહોત્સવ અંતર્ગત હર ઘર તિરંગાનું જે આહ્વાન કર્યુ છે તે અંતર્ગત ગુજરાત આગળ વધ્યુ છે.  પોતાનું ઘર અને વ્યવસાયના સ્થાને એક એક તિરંગો લગાવીએ. સૌ આ અભિયાનમાં જોડાય તેવી અપીલ કરી હતી. 

Live: ગાંધીનગર ખાતે કૌશલ્ય- ધ સ્કીલ યુનિવર્સિટી અંતર્ગત સ્કૂલ ઓફ ડ્રોનનો શુભારંભ. https://t.co/Nxj8XaCuKd

— Bhupendra Patel (@Bhupendrapbjp) August 13, 2022

આ ક્ષેત્રોમાં થશે રોજગારીનું સર્જન

 સ્કૂલ ઓફ ડ્રોન ક્ષેત્રે તાલીમ મેળવ્યા બાદ એગ્રીકલ્ચર, લેન્ડ સર્વેયિંગ, ડીઝાસ્ટર, ગુના સંશોધન, એરિયલ ફોટોગ્રાફી તથા વિડીયોગ્રાફી, વિજીલન્સ મોનીટરીંગ, સંરક્ષણ જેવા વિવિધ ક્ષેત્રોમાં ભારતના યુવાધનને વિપુલ પ્રમાણમાં રોજગારી તથા સ્વ-રોજગારીની તકોનું સર્જન થશે. ડ્રોન ટેકનોલોજીની  જરૂરિયાત ગામડાઓમાં પણ રહેલી છે. ખાસ કરીને કૃષિ ક્ષેત્રે તેની ખુબ જરૂરિયાત રહેલી છે. આ યુનિવર્સીટી દ્વારા આપવામાં આવતી તાલીમમાં માત્ર થિયરોટીકલ જ નહીં, ઉચ્ચ કક્ષાનું પ્રાયોગિક કૌશલ્ય મેળવી શકે તે મુજબનું આયોજન કરવામાં આવ્યું છે.

નજીવી ફી લઇ તાલીમ 

ડ્રોન ટેકનોલોજી વિકસિત થઇ રહેલુ ફિલ્ડ છે. દેશમાં માત્ર 25 ખાનગી સંસ્થાઓ છે જેના દ્વારા ડ્રોન ચલાવવાની તાલીમ આપવામાં આવે છે. 50 હજારથી 70 હજાર સુધીની ફી લેવામાં આવે છે. તેની સામે કૌશલ્યા ધ સ્કિલ યુનિવર્સિટીમાં નજીવી ફી લઇને તાલીમ આપવામાં આવશે. જેથી તાલમીબદ્ધ ડ્રોન પાયલટની માગમાં વધારો થશે. 

કૃષિક્ષેત્રે ડ્રોન ટેક્નોલોજીનો પ્રારંભ

કૃષિક્ષેત્રમાં અદ્યતન ડ્રોન ટેકનોલોજી-કૃષિ વિમાનના ઉપયોગની 100% રાજ્ય પુરસ્કૃત યોજનાનો શુભારંભ મુખ્યમંત્રી ભૂપેન્દ્ર પટેલના  હસ્તે 5મી ઓગસ્ટે રોજ સવારે 9 કલાકે ગાંધીનગરના ઇસનપુર મોટા ગામેથી કરવામા આવ્યો હતો.  રસાયણો, નેનો યુરીયા, પ્રવાહી-જૈવિક ખાતરના છંટકાવ માટે બે પદ્ધતિનો અમલ કરવાનો નિર્ણય કરવામાં આવ્યો છે. જેમાં એક છે ડ્રોન ટેક્નોલોજી અને બીજી છે કૃષિ વિમાનના ઉપયોગ.નેનો યુરીયાના છંટકાવ માટે ખાસ 2 થી 3 ગામોના 1500 એકરના ક્લસ્ટર બનાવી ડ્રોન દ્વારા છંટકાવ કરી શકાશે. 20 મીનીટમાં 1 હેક્ટરમાં 25 લીટર પાણી દ્વારા દવા છંટકાવ કરી શકાશે.