રાજકોટમાં વિદ્યાર્થીઓ પાસે સફાઈ કરાવતો વીડિયો વાયરલ
પ્રિન્સિપાલએ જવાબને બદલે મોઢું સીવી લીધું
રાજકોટની શાળા નંબર 81ના વિદ્યાર્થીઓનો સફાઈ કરાવતો હોવાનો વીડિયો સામે આવતા ચકચાર મચી છે. જેમાં શાળાના છજ્જા પર વિધાર્થીને ચડાવી સફાઈ કરાવવામાં આવતી હોવાનું સામે આવતા વાલીઓમા રોષ ભભૂક્યો છે. બીજી બાજુ આ મામલે શાળાના પ્રિન્સિપાલ દ્વારા ગેંગેફેફે કરી લુલો બચાવ કરતા અનેક સવાલો ઉભા થયા છે.
શુ છે મામલો?
રાજકોટ શહેરના અશોક ગાર્ડન નજીક આવેલી શાળા નં: 81 માં આજે અંદાજીત બપોરના સમયે શાળાના બિલ્ડિંગના છજ્જાની સફાઈ માટે બાળકોના જીવને જોખમમાં મૂકી સફાઈ કરાવવામાં આવી હતી. વીડિયોમાં સ્પષ્ટ પણે જોઈ સકાગ છે કે બાળકો હાથમાં જાડું લઇ સફાઈ કરી રહ્યા છે. વાત એટલેથી અટકતી નથી કેમકે આ જ સમયે કોઈ શિક્ષિકા પણ નીચે ઉભા ઉભા બાળકોને સફાઈ માટે સૂચના આપતા હોય તેવું પણ વીડિયોમાં સ્પષ્ટ દેખાઈ રહ્યું છે.
અકસ્માત બને તો જવાબદાર કોણ ?
હાલ તો અહીં સવાલ સૌથી મોટો એ થઈ રહ્યો છે કે જો આ સફાઈ દરમિયાન કોઈ અણબનાવ બને કે કોઈ અકસ્માત સર્જાયો હોત તો જવાબદાર કોણ ? માત્ર સાફ સફાઈ જ મુદ્દો નહિ પરંતુ આ વખતે તો શાળાના શિક્ષકોએ હદ વટાવી બાળકોના જીવ જોખમમાં મૂકી દીધા છે.
પ્રિન્સિપાલે કર્યો પોતાનો લુલો બચાવ
વિદ્યાર્થીઓને સ્કૂલમાં છજ્જા પર ચડાવી વિદ્યાર્થીઓ પાસે સફાઈ કરાવતો વીડિયો બહાર આવતા પ્રિસિપાલે આ રીતે છજા પર ચડાવીને સફાઈ કરવાની કામગીરીને મોટિવેશનલ પ્રવૃત્તિ ગણાવી દીધી હતી.