ગુજરાતમાં હાલ છેલ્લા ઘણા સમયથી સ્કૂલ ફીનો મુદ્દો એક સળગતો સવાલ બની ગયો છે. સ્કૂલ એસોસિશયન તરફથી વાલીઓને બાળકોની ફી મુદ્દે વાલીઓ પર ભરવા માટે વારંવાર દબાણ કરવામાં આવતું હોવાનું સામે આવતું હોય છે. ત્યારે શાળા સંચાલકોની વધુ એક અવળચંડાઇ સામે આવી છે. જેમાં અમદાવાદની શાળાઓએ સરકાર સામે નવી ફોર્મ્યુલાને લઇને વધુ એક શરત રાખી છે.
શાળા સંચાલકોની વધુ એક અવળચંડાઇ આવી સામે
અમદાવાદની શાળાઓએ સરકાર સામે વધુ એક રાખી શરત
25 ટકા ફી માટે સરકાર સમક્ષ આપ્યો નવો ફોર્મ્યુલા
અમદાવાદ પ્રોગ્રેસીવ સ્કૂલ એસોશિયન દ્વારા નવો ફોર્મ્યુલા તૈયાર કરવામાં આવ્યો હોવાનું સામે આવ્યું છે. જેમાં અમદાવાદના શાળા સંચાલકોની વધુ એક અવળચંડાઇ સામે આવી છે. જેમાં 25 ટકા ફી માટે સરકારને નવો ફોર્મ્યુલા આપ્યો છે.
પ્રોગ્રેસીવ સ્કૂલ એસોસિએશને સરકાર સામે શરત રાખી છે કે જો વાલીઓ 31 ઓક્ટોબર સુધી ફી ભરે તો 25 ટકા ફીમાં રાહત આપીશું, જો 31 ઓક્ટોબર સુધી ફી ન ભરે તો રાહત નહીં. પ્રોગ્રેસીવ સ્કૂલ એસોસિએશનમાં શહેરની કુલ 40 મોટી શાળાઓ જોડાયેલી છે.